دہشت گردی کی وارداتوں میں بھارت سرکار اور اس کی خفیہ ایجنسیاں ملوث ہیں‘ دھماکوں سے بے گناہ انسانوں کو نشانہ بنایا گیا، یہ اسلامی شریعت میں جائز نہیں‘ایسا کرنے والے اسلام و پاکستان کے دشمن اور بیرونی قوتوں کے ہاتھوں میں کھیل رہے ہیں‘ بھارت کی تخریب کاری ودہشت گردی کو تمام بین الاقوامی فورمز پر بے نقاب کیا جائے
امیر جماعۃالدعوۃ پاکستان پروفیسر حافظ محمد سعیدکا ذمہ داران کے اجلاس کے دوران خطاب
پیر 28 مارچ 2016 21:19
لاہور( اُردو پوائنٹ اخبارتازہ ترین - آئی این پی۔28 مارچ۔2016ء) امیر جماعۃالدعوۃ پاکستان پروفیسر حافظ محمد سعید نے کہا ہے کہ لاہور سمیت ملک بھر میں ہونیو الی دہشت گردی کی وارداتوں میں بھارت سرکار اور اس کی خفیہ ایجنسیاں ملوث ہیں‘ دھماکوں کے ذریعہ بے گناہ انسانوں کو نشانہ بنایا اسلامی شریعت میں جائز نہیں‘ایسا کرنے والے اسلام و پاکستان کے دشمن اور بیرونی قوتوں کے ہاتھوں میں کھیل رہے ہیں‘ حکومت پاکستان دہشت گرد بھارت کا اصل چہرہ دنیا کو دکھائے اور اس کی تخریب کاری ودہشت گردی کو تمام بین الاقوامی فورمز پر بے نقاب کیا جائے۔
پیر کومرکز القادسیہ میں جماعۃالدعوۃ کے مرکزی ذمہ داران کے اجلاس کے دوران خطاب کرتے ہوئے انہوں نے کہاکہ وطن عزیز پاکستان پر پراکسی وار مسلط ہے۔(جاری ہے)
ملک کو منظم سازشوں کے تحت میدان جنگ بنایا جارہا ہے۔ ہندوستان میں نریندر مودی کے برسراقتدار آنے کے بعد جہاں مسلم کش فسادات اور نہتے کشمیریوں کے قتل عام میں اضافہ ہوا ہے وہیں دوسری جانب اس نے پاکستان میں بھی دہشت گردی کی کاروائیاں تیز کر دی ہیں۔
بھارت سرکار پاکستان کی جانب سے دوستی کا ہاتھ بڑھائے جانے کا جواب دھماکوں کے ذریعہ نہتے شہریوں کا قتل عام کر کے دے رہی ہے۔ انہوں نے کہاکہ اسلام دشمن قوتیں بم دھماکوں اور دہشت گردی کے ذریعہ پاکستان کو عدم استحکام سے دوچار کرنا چاہتی ہیں۔ ان کی پوری کوشش ہے کہ یہاں تخریب کاری ، دہشت گردی اور فرقہ وارانہ قتل و غارت گری کو پروان چڑھایا جائے تاکہ وہ پاکستان کی کمزور پوزیشن سے فائدہ اٹھا کر اپنے مذموم مقاصد حاصل کرسکیں۔ اس مقصد کیلئے بیرونی قوتوں کی جانب سے انڈیا کو مکمل شہ دی جارہی ہے۔ افغانستان میں شکست کا انتقام لینے کیلئے بھارت کو پاکستان پر مسلط کرنے کی کوششیں کی جارہی ہیں مگر پاکستا ن اﷲ کے فضل و کرم سے ایٹمی قوت ہے صلیبی و صیہونی قوتوں کی یہ سازشیں ان شاء اﷲ کسی صورت کامیاب نہیں ہوں گی۔انہوں نے کہاکہ لاہور دھماکہ میں بے گناہ پاکستانیوں کے جاں بحق اور زخمی ہونے پر پوری پاکستانی قوم سخت صدمہ سے دوچار ہے۔ضرورت اس امر کی ہے کہ حکومت اعلیٰ سطحی پیمانے پر تحقیقات کر کے تخریب کاری و دہشت گردی میں ملوث عناصر کو کیفر کردار تک پہنچایا جائے۔حافظ محمد سعید نے کہاکہ بیرونی قوتیں ملک میں مذہبی منافرت پھیلا رہی ہیں ۔ خاص کر بلوچستان میں شیعہ سنی فسادات کھڑے کئے جارہے ہیں اور ان چیزوں کو پاکستان کیخلاف ہتھیا رکے طور پر استعمال کیا جارہا ہے۔ بلوچستان میں را کے حاضر سروس افسر کی گرفتاری سے اب یہ تمام حقائق کھل کر واضح ہو گئے ہیں۔ ملک میں فتنہ تکفیر ، فرقہ وارانہ قتل و غارت گری اور دہشت گردی کی آگ بھڑکانے میں بھارتی خفیہ ایجنسی را ملوث ہے اور اسے اتحادی ممالک کی مکمل سرپرستی حاصل ہے۔ ہم سمجھتے ہیں کہ حکومت پاکستان کو اب کسی قسم کی مصلحت پسندی سے کام نہیں لینا چاہیے ۔ یہ پاکستان کی بقا کا مسئلہ ہے۔ ہمیں متحد ہو کر ہندوستان کو افغانستان سے نکالنا ہے جو وہاں بیٹھ کر پاکستان کو میدان جنگ بنانے کی سازشیں کر رہاہے۔ انہوں نے کہاکہ فاٹا، وزیر ستان سے لیکر کراچی تک تخریب کاری کے واقعات میں ہندوستان ملوث ہے۔ انڈیا سے کھری کھری بات کرنی چاہیے اور پاکستان کے دفاع کے مسئلہ پر سب سیاسی جماعتوں کو ایک ہونا چاہیے۔ اتحا دویکجہتی کے ذریعہ ہی دشمن کی مسلط کردہ جنگ جیتی جاسکتی ہے۔مزید اہم خبریں
-
روس نے جرمن فاونڈیشن پر پابندی لگا دی
-
چین میں پاکستان کے سفیر کا دارالحکومت بیجنگ میں ہواوے کے نمائشی مرکز کا دورہ ، منصوبوں اور پاکستان کے ساتھ شراکت داری پر تبادلہ خیال
-
ایران : اصفہان میں دھماکوں کی آوازیں اسرائیل کا ایران پر’ ’میزائل حملہ“ کرنے کا دعوی
-
پاکستان کی معیشت 2047 تک تین ٹریلین ڈالرتک بڑھنے کی صلاحیت رکھتی ہے، سعودی سرمایہ کاروں کے لیے بینکاری اور سرمایہ کاری کے قابل منصوبے پیش کر یں گے، وزیرخزانہ محمداورنگزیب کی واشنگٹن میں ملاقاتوں ..
-
غیر ملکیوں کی گاڑی پر حملہ، دہشتگرد حملہ آور پیدل چل کر گاڑی تک پہنچے،ڈی آئی جی ایسٹ اظفر مہیسر
-
پاکستان میں مہنگائی تیزی سے کم ہو کر کم ترین سطح پر آگئی ہے،گورنر سٹیٹ بینک
-
پنجاب ،ضمنی انتخابات کے پیش نظر 10اضلاع میں دفعہ 144نافذ
-
کراچی،غیر ملکی شہریوں کی گاڑی پر خود کش حملہ،2دہشت گرد ہلاک،2سیکورٹی گارڈ سمیت3افراد زخمی
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.