آرمی پبلک سکول کے سانحہ کے بعد دوبارہ نیشنل ایکشن پلان کے تحت دہشتگردوں کیخلاف پورے ملک میں آپریشن کی ضرورت ہے ‘ عمران خان
پلان میں اس پر بھی اتفاق رائے کیا جائے پولیس کو غیر سیاسی کر کے پروفیشنل بنایا جائیگا ،گرفتار بھارتی جاسوس سے جامع تحقیقات کی جائیں پورے ملک میں موجود اسکے ساتھیوں کو بھی گرفتار کیا جائے ،حکومت کی ترجیحات درست نہیں‘ چیئرمین پی ٹی آئی کی میڈیا سے گفتگو
پیر 28 مارچ 2016 18:07
لاہور( اُردو پوائنٹ اخبارتازہ ترین - این این آئی۔28 مارچ۔2016ء) پاکستان تحریک انصاف کے سربراہ عمران خان نے کہا ہے کہ آرمی پبلک سکول پشاور کے سانحہ کے بعد اب دوبارہ وقت آ گیا ہے کہ نیشنل ایکشن پلان کے تحت دہشتگردوں کیخلاف پورے ملک میں آپریشن کیا جائے ، اس پلان میں اس پر بھی اتفاق رائے کیا جائے کہ پولیس کو غیر سیاسی کر کے پروفیشنل بنایا جائے گا ،گرفتار ہونے والے بھارتی جاسوس سے جامع تحقیقات کی جائیں اور اسکی روشنی میں پورے ملک میں موجود اسکے ساتھیوں کو بھی گرفتار کیا جائے ۔
ان خیالات کا اظہار انہوں نے جناح ہسپتال میں زخمیوں کی عیادت اور جامعہ اشرفیہ کے مہتم مولانا عبید اﷲ کے انتقال پر اظہار تعزیت اور فاتحہ خوانی کے بعد میڈیا سے گفتگو کر تے ہوئے کیا ۔(جاری ہے)
عمران خان نے کہا کہ کچھ لوگ اسلام کے نام پر جو کچھ کر رہے ہیں یہ ہمارے نبی کریم ﷺ کی تعلیمات کے بالکل برعکس ہے ۔ آرمی پبلک سکول پشاور کے سانحہ کے بعد اب دوبارہ وہ وقت آ گیا ہے کہ اتفاق رائے سے پورے ملک میں جہاں بھی دہشتگرد موجود ہیں انکے پیچھے جایا جائے ۔
نیشنل ایکشن پلان کے تحت خیبر پختوانخواہ، بلوچستان اور پنجاب سمیت جہاں بھی ضرورت ہو ہر جگہ جانا چاہیے ۔ انہوں نے کہا کہ نیشنل ایکشن پلان میں اس بات پر بھی اتفاق رائے کیا جائے کہ پولیس کو غیر سیاسی کر کے پروفیشنل بنایا جائے گا ۔ جب پولیس وی وی آئی پیز کی سکیورٹی اور سیاسی مخالفین کو انتقام کا نشانہ بنانے کیلئے استعمال ہو گی تو اس وقت تک حالات ٹھیک نہیں ہو سکتے ۔ انہوں نے کہا کہ سندھ میں پولیس کی سیاسی بھرتیاں کی گئیں،میرٹ پر تعیناتی او رپوسٹنگ نہیں ہو گی تو پولیس سے مطالبہ نتائج حاصل نہیں کئے جا سکتے ۔ انہوں نے کہا کہ خیبر پختوانخواہ میں اس حوالے سے نیشنل سیفٹی کمیشن فیصلہ کرتی ہے ،اسی طرح ڈسٹرکٹ سیفٹی کمیشن بنا رہے ہیں۔ انہوں نے کہا کہ حکومت کاکام قانون بنانا اور پولیس کا کام اس پر عملدرآمد کرانا ہے ۔ پولیس کاامن و امان کے لئے بہت بڑا کردار ہے اس لئے ضرورت ہے کہ تھانوں کو مضبوط کیا جائے لیکن ہم انہیں سیاست میں لا کر کمزور کرتے ہیں ۔ انہوں نے کہا کہ ملک میں دہشتگردی کیخلاف آپریشن کیلئے رینجرز بلانی پڑتی ہے تو اسے بلایا جائے لیکن نیشنل ایکشن پلان پر عمل ہونا چاہیے ۔ انہوں نے کہا کہ وزیر اعلیٰ خیبر پختوانخواہ نے باڈر کے ایریا اور قبائلی علاقوں کیلئے رینجرز مانگی ہے کیونکہ جو دہشتگرد افغانستان چلے جاتے ہیں اور پھر واپس آتے ہیں پولیس ان سے نہیں نمٹ سکتی ۔ اسی طرح پنجاب میں بھی رینجرز کا آپریشن ہونا چاہیے ۔ انہوں نے کہا کہ میں حکمرانوں سے کہتا ہوں کہ اپنی ترجیحات ٹھیک کریں ،200ارب روپے ٹرین منصوبے پر لگا دئیے گئے ہیں لیکن سکیورٹی کیلئے اقدامات نہ ہونے پر اتنی بڑی تباہی ہو گئی ۔ انہوں نے مزید پاکستان میں کوئی اکیلا جاسوس کام نہیں کر سکتا ، بھارت کے گرفتا ر جاسوس سے جامع تحقیقات کی جائیں او راس کے پاکستان میں موجود دیگر ساتھیوں کو بھی گرفتار کیا جائے ۔متعلقہ عنوان :
مزید اہم خبریں
-
سینئر صوبائی وزیر مریم اورنگزیب کی ورلڈ فوڈ پروگرام کی کنٹری ڈائریکٹر کوکویوشییامہ سے ملاقات
-
حکومت گندم خریداری سے ہاتھ کھینچ چکی، کسان کو3900 روپے فی من قیمت نہیں مِل رہی
-
سعودی عرب کی پہلی بار ’مس یونیورس‘ مقابلے میں ممکنہ شرکت
-
وزیراعظم شہبازشریف نے ٹیکس چوری روکنے کا ٹریک اینڈ ٹریس سسٹم فراڈ قراردیدیا
-
توانائی پر پاک ایران تعاون موجود ہے، اپنی ضروریات کیلئے امریکا سے بھی رابطے میں ہیں،پاکستان
-
وزیراعظم 28 اپریل کو سعودی عرب میں عالمی اقتصادی فورم اور4 مئی کو گیمبیا میں او آئی سی سربراہی اجلاس میں شرکت کریں گے،ترجمان دفتر خارجہ ممتاز زہرہ بلوچ کی ہفتہ وار پریس بریفنگ
-
شہداء کے اہلخانہ میرے دل کے بہت قریب ہیں ، ایک شہید کا داماد ہوں، وزیرداخلہ محسن نقوی
-
قوم کو غلامی کی زنجیروں میں جکڑنے والوں سے کوئی ڈیل نہیں کروں گا
-
ہماری آزادی میں ایک جنگل کا بادشاہ حائل ہے
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.