پاکستان کا چاہ بہار میں ہندوستانی خفیہ ایجنسی ’را‘ کی موجودگی اور پاکستان مخالف سرگرمیوں پر ایران کو قانونی ریفرنس بھیجنے کا فیصلہ
میاں محمد ندیم پیر 28 مارچ 2016 12:08
اسلام آباد(ا ردو پوائنٹ اخبارتازہ ترین-انٹرنیشنل پریس ایجنسی۔28مارچ۔2016ء) پاکستان نے ایرانی شہر چاہ بہار میں ہندوستانی خفیہ ایجنسی ’را‘ کی موجودگی اور اس کی پاکستان مخالف سرگرمیوں پر ایران کو قانونی ریفرنس بھیجنے کا فیصلہ کیا ہے، جس میں ہندوستانی ایجنسی کے خلاف تحقیقات کا مطالبہ کیا جائے گا۔ذرائع کے مطابق وفاقی وزیر داخلہ چوہدری نثار علی خان نے یہ معاملہ ایرانی ہم منصب عبد الرضا رحمانی سے ہونے والی ملاقات میں اٹھایا جس پر ایرانی وزیر داخلہ نے کہا کہ اس حوالے سے باضابطہ ریفرنس بھیجا جائے۔
مقامی انگریزی جریدے کی رپورٹ کے مطابق وزارت داخلہ کے ترجمان نے بتایا ہے کہ چاہ بہار میں ’را‘ کی موجودگی کے حوالے سے معلومات حاصل کرنے کے لیے ہم ایک دو دن میں ایران کو قانونی ریفرنس ارسال کردیں گے۔(جاری ہے)
ترجمان کا کہنا تھا کہ قانونی ریفرنس میں پاکستان کی جانب سے، ایران سے پوچھا جائے گا کہ اس کی سرزمین سے ہندوستانی خفیہ ایجنسی کا نیٹ ورک کیسے آپریٹ ہورہا ہے، جبکہ ایرانی سرحد پار کرکے ’را‘ کا ایجنٹ پاکستان کیسے پہنچا۔
انہوں نے کہا کہ ایرانی حکومت پر اس بات پر بھی زور دیا جائے گا کہ وہ ساحلی شہر سے آپریٹ ہونے والے ’را‘ کے نیٹ ورک کے خلاف کارروائی کرے۔واضح رہے کہ پاکستانی سیکیورٹی ایجنسیز نے چند روز قبل بلوچستان سے ’را‘ کے حاضر سروس ایجنٹ کل بھوشن یادو کو حراست میں لیا تھا، جس کے قبضے سے حاصل ہونے والے ہندوستانی شناختی کارڈ میں اس کا فرضی نام مبارک حسین پٹیل درج تھا۔میڈیا رپورٹس کے مطابق ’را‘ کا نیٹ ورک ایران کے شہر چاہ بہار سے آپریٹ کیا جارہا ہے۔مزید اہم خبریں
-
اسرائیلی جنگی طیاروں کا جنوبی شام میں فوجی اڈے پر حملہ
-
قومی اسمبلی،بلاول بھٹو وزیرِ اعظم کی نشست پربیٹھ گئے
-
ٹی ایل پی پر پابندی سے متعلق انٹیلی جنس کی کوئی رپورٹ صوبائی حکومت سے شیئر نہیں کی گئی تھی، شہبازشریف
-
ڈاکٹرعاصم کی سربراہی میں میڈیکل وفد کہہ چکا بشریٰ بی بی کو زہر نہیں دیا گیا
-
لوٹا ہوا پیسہ پاکستان واپس لایا جائے تو ڈالر 50 روپے کا ہو جائے گا
-
صدر آصف علی زرداری نے ترک چیف آف جنرل سٹاف جنرل متین گورک کو نشان امتیاز ملٹری سے نوازا
-
اسٹریمنگ سروس نیٹ فلکس کے ناظرین نصف بلین ہو گئے
-
مہنگائی کی شرح میں کمی کے باوجود 22 اشیائے ضروریہ مہنگی ہوگئیں
-
وزیراعظم کو افغان ٹرانزٹ ٹریڈ کے حوالہ سے قائم کمیٹی کی رپورٹ پیش، شہبازشریف کی چینی سمیت دیگر سمگلنگ کے خاتمہ کی ملک گیر مہم تیز کرنے کی ہدایت
-
پاکستان سے لوٹا ہوا پیسہ واپس لایا جائے تو ڈالر 50 روپے کا ہو جائیگا، شعیب شاہین
-
عمران خان، بشریٰ بی بی کا نجی ہسپتال سے میڈیکل چیک اپ کرانے کا حکم
-
پی ٹی آئی عوام کا نہیں سوچ رہی بلکہ اپنے لیڈر کو این آراودلوانے کیلئے ڈٹی ہوئی ہے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.