صوفی شاعر شاہ حسین کے سالانہ عرس کی تقریبات کا آغاز ہوگیا‘سیکورٹی کے سخت انتظامات

میاں محمد ندیم ہفتہ 26 مارچ 2016 18:20

لاہور(ا ردو پوائنٹ اخبارتازہ ترین-انٹرنیشنل پریس ایجنسی۔26مارچ۔2016ء) لاہور میں حضرت شاہ حسین المعروف مادھو لعل کے سالانہ عرس کی تقریبات کا آغاز ہوگیا،زائرین اور عقیدت مندوں کی آمد کا سلسلہ جاری ہے،دربار کے چاروں اطراف سیکورٹی کے سخت انتظامات کئے گئے ہیں۔

(جاری ہے)

صوفی شاعر حضرت شاہ حسین المعروف مادھو لعل کے عرس کی تین روزہ تقریبات کا آغاز رسم چادر پوشی سے کیا گیا،دربار پر حاضری کے لیے ملک کے طول و عرض سے زائرین آرہے ہیں اور عشق مستی سے سرشار زائرین کی دھمال کا سلسلہ بھی جاری ہے۔

پولیس کے مطابق دربار کے چاروں اطراف سیکورٹی کے سخت انتظامات کئے گئے ہیں،میلہ چراغاں کی تقریبات تین روز تک جاری رہیں گی،محکمہ اوقاف کی جانب سے زائرین کے لیے لنگر کا بھی انتظام کیا گیا ہے،ضلعی حکومت نے آج لاہور میں مقامی تعطیل کا اعلان بھی کیا ہے۔

Facebook Twitter Google + Share on Whatsapp

صوفی شاعر شاہ حسین کے سالانہ عرس کی تقریبات کا آغاز ہوگیا‘سیکورٹی کے سخت انتظامات

متعلقہ عنوان :

مزید اہم خبریں