کاشتکار و مویشی پال حضرات کو موسم گرما کے چارے کی کاشت فوری شروع کرنے کی ہدایت

ہفتہ 26 مارچ 2016 16:53

فیصل آباد۔26 مارچ(اُردو پوائنٹ اخبارتازہ ترین - اے پی پی۔26 مارچ۔2016ء ) محکمہ لائیو سٹاک اینڈ ڈیری ڈویلپمنٹ نے مویشیوں کیلئے موسم گرما کے چارے کی کاشت فوری شروع کرنے کی ہدایت کی ہے اور کاشتکاروں و مویشی پال حضرات سے کہاہے کہ وہ موسم گرما میں مویشیوں کے چارے کی قلت دور کرنے کیلئے مکئی ،سدا بہار جواراور ماٹ گراس کاشت کریں ۔

(جاری ہے)

محکمہ لائیو سٹاک فیصل آبادکے ترجمان نے بتایاکہ سبز چارے کی کاشت کیلئے زمین کی زرخیزی میں اضافہ کیلئے گوبر کی گلی سڑی کھاد 15 گڈے فی ایکڑ ڈالنے کے بعد کھیت میں مٹی پلٹنے والا ہل ایک بار اور عام ہل 3 بار چلا کر سہاگہ سے زمین کو ہموار کرنا چاہیے ۔

انہوں نے کہاکہ گوبر کی کھاد انتہائی زبردست نتائج کی حامل ہوتی ہے لیکن اگر کسی وجہ سے گوبر کی کھاد دستیاب نہ ہو تو دیگر مصنوعی کھادوں کا سہارا لیا جا سکتاہے۔ انہوں نے کہاکہ قدرتی کھاد کی عدم دستیابی کی صورت میں فی ایکڑ 3بوری ایس ایس پی اور آدھی بوری یوریا کھاد ڈالی جا سکتی ہے۔ انہوں نے بتایاکہ مویشی پال اور کاشتکار حضرات مارچ کے آخر سے لے کر مئی کے اختتام تک جوار اورسدابہار سبزچارہ کاشت کر سکتے ہیں۔ انہوں نے کہاکہ اس ضمن میں مزید رہنمائی کیلئے محکمہ لائیو سٹاک یا محکمہ زراعت کے فیلڈ سٹاف سے بھی رابطہ کیا جا سکتاہے۔

Facebook Twitter Google + Share on Whatsapp

کاشتکار و مویشی پال حضرات کو موسم گرما کے چارے کی کاشت فوری شروع کرنے کی ہدایت

متعلقہ عنوان :

مزید تجارتی خبریں