امتحانی نظام سے بوٹی مافیا کا خاتمہ کردیاگیا ،حقیقی ٹیلنٹ نکھر کرسامنے آرہا ہے‘رانا مشہود احمد خان
ہفتہ 26 مارچ 2016 14:38
لاہور( اُردو پوائنٹ اخبارتازہ ترین - این این آئی۔26 مارچ۔2016ء) صوبائی وزیر تعلیم رانامشہود احمد خان نے کہا ہے کہ فروغ تعلیم ترقی و خوشحالی کا یقینی راستہ ہے،پڑھی لکھی نوجوان نسل کو ویژنری قیادت نصیب ہوجائے تو وہ چند برسوں میں ملک کی تقدیر بدل سکتی ہے،وزیراعلیٰ پنجاب کے تعلیمی وژن کی روشنی میں پنجاب کے طول و عرض میں پھیلے سرکاری و نجی سکولوں کو تمام ضروری تعلیمی سہولیات سے مزین کرکے ملکی ترقی کا زینہ بنا رہے ہیں۔
ان خیالات کااظہار انہوں نے گلشن راوی میں ایک مقامی سکول سمارٹ ایجوکیشن سکول سسٹم کی سالانہ تقریب تقسیم انعامات سے خطاب کرتے ہوئے کیا۔ تقریب کے دوران صوبائی وزیر نے سالانہ امتحانات میں پوزیشن حاصل کرنے والے طلباء و طالبات اور ان کے اساتذہ میں انعامات تقسیم کئے۔(جاری ہے)
اپنے خطاب میں رانا مشہود احمد نے کہاکہ پاکستانی بچوں نے اپنی لیاقت ، ذہانت اور صلاحیتوں کا سکہ پوری دنیا سے منوایا ہے۔
پاکستانی بچوں کی خوبی یہ ہے کہ تمام تر نامساعد حالات اور محدود وسائل کے باوجود وہ اپنی خداداد صلاحیتوں کااستعمال کرتے ہوئے عالمی سطح پر ہونے والے ہر مقابلے میں نمایاں پوزیشن حاصل کرتے ہیں اور اپنے ملک و قوم کانام روشن کرتے ہیں۔رانا مشہود احمد خان نے کہاکہ پنجاب حکومت نے نوجوانوں کو ان کی صلاحیتوں کے اظہار کیلئے مناسب پلیٹ فارم فراہم کر دیئے ہیں۔ بچوں کو تعلیم کے ساتھ ساتھ غیرنصابی سرگرمیوں اور کھیلوں میں آگے جانے کیلئے تمام ضروری انفراسٹرکچر فراہم کیا جا رہا ہے۔ محکمہ تعلیم نے اس سال بجٹ کا 27فیصد حصہ تعلیم کیلئے مختص کرکے اس شعبے کیلئے اپنی گہری دلچسپی کا ثبوت فراہم کیا ہے۔ وزیراعلیٰ پنجاب محمد شہباز شریف خود بھی مختلف تعلیمی اداروں کے اچانک دورے کرکے تعلیمی معیار کو بلند سے بلند تر کرنے کیلئے عملی اقدامات کر رہے ہیں۔انہوں نے کہاکہ سکولوں میں انرولمنٹ کی شرح اور اساتذہ کی حاضری میں نمایاں اضافہ ہوا ہے۔ امتحانی نظام سے بوٹی مافیا کا خاتمہ کردیاگیا ہے جس کی وجہ سے حقیقی ٹیلنٹ نکھر کرسامنے آرہا ہے۔ وزیراعلیٰ کی طرف سے پوزیشن ہولڈرز کے اعزاز میں غیرملکی دوروں اور انعام و اکرام کا اہتمام پنجاب حکومت کے اس شعبے میں خلوص اور انتھک کوششوں کاواضح ثبوت ہے۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.