بھارتی میزائل تجربہ خطے کی ایٹمی سیکیورٹی کیلیے خطرہ ہے، امریکا

ہفتہ 26 مارچ 2016 12:32

واشنگٹن(اُردو پوائنٹ اخبارتازہ ترین - آن لائن۔26 مارچ۔2016ء) بھارت کی جانب سے بیلسٹک میزائل تجربے کرنے پرامریکا نے تشویش کا اظہار کرتے ہوئے کہا ہے کہ بھارت کا میزائل تجربہ خطے کی نیوکلیئرسیکیورٹی کیلیے خطرہ ہے۔ترجمان امریکی محکمہ خارجہ مارک ٹونرکاکہنا ہے کہ امریکا ایسے اقدامات کی حمایت نہیں کرتا جس سے ایٹمی جنگ کا خطرہ ہو۔

(جاری ہے)

ایٹمی صلاحیت کے حامل ملکوں کو تحمل کا مظاہرہ کرنا چاہیے، بھارت کو اپنے خدشات سے آگاہ کر دیا ہے۔ترجمان نے پاکستان کی جانب سے ایٹمی مواد کے تحفظ کے ترمیمی کنونشن 2005ء کی توثیق کے اعلان کا خیرمقدم کیا اورکہاکہ امریکا آئندہ ہفتے ایٹمی سلامتی کے بارے میں سربراہ کانفرنس میں شرکت کیلیے وزیراعظم نواز شریف کے دورہ واشنگٹن کا منتظر ہے۔