طالبان کی فائرنگ سے افغان فوجی جنرل ہلاک،بیٹاشدید زخمی
جنرل آغا خان کو طالبان کے دومسلح حملہ آروں نے ضلع داندمیں مسجد سے گھر آتے ہوئے فائرنگ سے ہلاک کیا
جمعہ 25 مارچ 2016 20:34
کابل(اُردو پوائنٹ اخبارتازہ ترین - این این آئی۔25 مارچ۔2016ء) افغانستان میں طالبان عسکریت پسندوں کے ایک حملے میں ملکی فوج کا ایک اور جنرل مارا گیا ،فائرنگ سے بیٹا شدید زخمی ہوگیا،ادھرکابل حکومت اور اس کی حلیف اتحادی فورسز کے خلاف مسلح کارروائیاں کرنے والی طالبان تحریک کے ایک ترجمان نے فوجی جنرل کو ہلاک کرنے کا دعویٰ کرتے ہوئے کہاہے کہ خان آغا کے ساتھ اس حملے میں متعدد دیگر افراد بھی مارے گئے۔
میڈیارپورٹس کے مطابق جنرل خان آغا پر حملہ قندھار میں کیا گیا۔ اس سے قبل گزشتہ ماہ بھی طالبان کے ایک بم دھماکے میں ایک فوجی جرنیل مارا گیا تھا۔ افغانستان کے جنوبی صوبے قندھار میں ایک اعلی اہلکار نے جمعہ کو بتایا کہ جنرل خان آغا کو طالبان کے دو مسلح حملہ آوروں نے فائرنگ کر کے ہلاک کر دیا۔(جاری ہے)
قندھار میں صوبائی گورنر کے ترجمان صمیم خپلواک نے بتایاکہ ضلع داند میں جنرل خان آغا پر حملہ طالبان کے دو مسلح جنگجوں نے کیا۔
انہوں نے جنرل خان آغاز پر اس وقت اندھا دھند فائرنگ شروع کر دی، جب وہ ایک مقامی مسجد سے واپس اپنے گھر جا رہے تھے۔ صوبائی گورنر کے ترجمان نے یہ بھی بتایا کہ جنرل خان آغا کے ساتھ ان کا ایک سترہ سالہ بیٹا بھی تھا، جو اس حملے میں شدید زخمی ہو گیا۔قندھار کے گورنر کے ترجمان کے مطابق جب اس آرمی جنرل پر حملہ کیا گیا تو کئی دیگر افراد بھی ان کے ہمراہ تھے۔ حملہ آوروں کی کارروائی کے ساتھ ہی اس فوجی جرنیل کے محافظوں کا عسکریت پسندوں کے ساتھ فائرنگ کا تبادلہ شروع ہو گیا۔ صمیم خپلواک نے کہاکہ دونوں حملہ آوروں کو خان آغا کے مسلح محافظوں نے موقع پر ہی گولی مار دی۔کابل حکومت اور اس کی حلیف اتحادی فورسز کے خلاف مسلح کارروائیاں کرنے والی طالبان تحریک کے ایک ترجمان نے اعتراف کیا ہے کہ قندھار میں جنرل خان آغا کو اسی مزاحمتی تحریک نے نشانہ بنایا۔ طالبان کے ترجمان نے یہ دعوی بھی کیا کہ جنرل خان آغا کے ساتھ اس حملے میں متعدد دیگر افراد بھی مارے گئے۔ جنرل خان آغا قندھار میں افغان فوج کی 205 ویں کور کا نائب کمانڈر تھا۔مزید بین الاقوامی خبریں
-
شدید تنقید کے بعد ملالہ یوسفزئی کا فلسطین کے حق میں بیان سامنے آگیا
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
کیڑوں مکوڑوں والی کافی پینے سے خاتون کی جان پر بن آئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.