چین سٹینڈ بائی فورس کی آپریشنل گنجائش میں اضافے کیلئے افریقہ کی مدد کرے گا
ایک علاقائی بلاک کو غیر مہلک فوجی سازوسامان عطیہ کرنے کی تقریب سے چینی سفیر کا خطاب
جمعہ 25 مارچ 2016 17:22
لاگوس (اُردو پوائنٹ اخبارتازہ ترین - آئی این پی۔25 مارچ۔2016ء) چین نے سٹینڈ بائی فورس کی آپریشنل صلاحیت میں اضافے کی کوشش کے طور پر مغربی افریقہ میں ایک علاقائی بلاک کو5ملین امریکی ڈالرمالیت کے غیر مہلک فوجی سازوسامان کا عطیہ دیا ہے۔ فوجی سازوسامان حوالے کرنے کیلئے ابوجا میں منعقدہ تقریب میں خطاب کرتے ہوئے نائیجیریا میں چینی سفیر گھوژیاؤجائی نے کہا کہ مغربی افریقی ممالک کی اقتصادی کمیونٹی (ای سی او ڈبلیو اے ایس) کیلئے فوجی سازوسامان کا عطیہ چین اور اس بلاک کے درمیان تعلقات کو بھی فروغ دے گا۔
چینی سفیر نے براعظم میں امن و سلامتی کے مفاد میں مغربی افریقی ممالک اوردیگر علاقائی اقتصادی برادریوں کے ساتھ تعلقات قائم رکھنے کیلئے اپنی حکومت کے عزم کی یقین دہانی کا اعادہ کیا۔(جاری ہے)
گھو زژاؤ جائی نے کہا کہ چینی حکومت کا عطیہ دسمبر 2015ء میں جوہانسبرگ میں منعقدہ چین افریقہ تعاون فورم کے سربراہی اجلاس میں کئے جانے والے وعدے کے عین مطابق ہے، ان کے مطابق چینی وزارت دفاع کی طرف سے دیا جانے والا یہ عطیہ چین اور ایکووس(ای سی او ڈبلیو اے ایس) کے درمیان قریبی تعاون کی علامت ہے، اس کے علاوہ یہ امن و استحکام برقرار رکھنے کیلئے ایکووس کے رکن ممالک کے ساتھ تعاون کے بارے میں چینی عزمکی بھی علامت ہے۔
انہوں نے کہا کہ چین امن و استحکام برقرار رکھنے کیلئے افریقی صلاحیت میں اضافے کی خاطر افریقی ممالک، ذیلی علاقائی تنظیموں اور دیگر اداروں کے ساتھ قریبی صلاح و مشورے کرے گا، اس سے قبل ایکووس کمیشن کے صدر قادری اوئیدراؤگو نے کہا کہ چینی حکومت کی طرف سے دیا جانے والا عطیہ سٹینڈ بائی فورس آپریشنل گنجائش کو فروغ دے گا۔ نائیجیریا کے وزیر دفاع بریگیڈیئر جنرل منصور دان علی(ر) نے بھی چینی حکومت کے کردار پر اظہار تشکر کیا۔مزید بین الاقوامی خبریں
-
ناسا کے سربراہ کا خلا میں چینی فوج کی موجودگی کا دعویٰ
-
سپیس ایکس نے مزید 23 سٹار لنک انٹرنیٹ سیٹلائٹ زمین کے گرد مدار میں بھیج دیئے
-
غریب ممالک کے قرضوں کے بوجھ کو تیزی سے کم کرنے کے حل موجود ہیں، اقوام متحدہ
-
ایمریٹس ایئرلائن کا دبئی سے آپریشن بحال، مسافروں کو نئی بکنگ کرانے کی ہدایت
-
اقوام متحدہ نے غزہ کے لیے 2.8 ارب ڈالر کی فنڈنگ کی اپیل کردی
-
عمان،سیلابی ریلے میں بیٹی کو سینے سے لگائے باپ کی ویڈیو نے دل دہلا دیئے
-
سعودی عرب میں ٹریفک چالان پر 50 فیصد رعایت کااعلان
-
غلط اندازہ اسرائیل ایران تصادم بڑھنے کا باعث بنا، امریکی میڈیا
-
زائرین کو 40 برس سے مفت چائے پلانے والے بزرگ کا انتقال
-
ترجمے کی مضحکہ خیز غلطی، بھارتی ریلوے اسٹیشن پرلگا بورڈ وائرل ہوگیا
-
کوڑے دان سے ملا سونے، ڈالرزسے بھرا بیگ ایرانی شہری نے مالک کو واپس کردیا
-
کینیڈا،سونے اورکرنسی کی سب سے بڑی چوری، بھارتی اورپاکستانی ملوث
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.