خطے میں دیرپا امن و سلامتی کےلئے کوشاں ہیں،دہشتگردی کا جڑ سے خاتمہ کر کے دم لیں گے، افغان مفاہمتی عمل کیلئے ہر ممکن تعاون جاری رکھا جائیگا۔جنرل راحیل شریف

سمیرا فقیرحسین پیر 21 مارچ 2016 16:56

راولپنڈی (ا ردو پوائنٹ اخبارتازہ ترین-انٹرنیشنل پریس ایجنسی۔21مارچ۔2016ء) آرمی چیف جنرل راحیل شریف نے کہا ہے کہ خطے میں دیرپا امن و سلامتی کےلئے کوشاں ہیں،دہشتگردی کا جڑ سے خاتمہ کر کے دم لیں گے، افغان مفاہمتی عمل کیلئے ہر ممکن تعاون جاری رکھا جائیگا۔افغانستان میں حال ہی میں تعینات ہونے والے امریکی فوج اور ریزولیوٹ سپورٹ مشن کے سربراہ جنرل جان نکلسن نے اپنے پہلے دور پاکستان کے موقع پر جی ایچ کیو میں آرمی چیف جنرل راحیل شریف سے ملاقات کی۔

(جاری ہے)

آئی ایس پی آر کے مطابق ملاقات میں پاک افغان سرحدی صورتحال اور افغانستان میں مفاہمتی عمل کی کامیابی کیلئے حکمت عملی پر غور پر کیا گیا۔جنرل جان نکلسن نے کہاکہ آپریشن ضرب عضب کے باعث پاک افغان سرحدی استحکام میں مدد ملی۔اس موقع پر آرمی چیف جنرل راحیل شریف نے کہاکہ خطے میں دیرپا امن و سلامتی کےلئے کوشاں ہیں،دہشتگردی کا جڑ سے خاتمہ کر کے دم لیں گے، افغان سرزمین پر دیرپا استحکام ، امن اور خوشحالی کے خواہاں ہیں،مفاہمتی عمل کی کامیابی کیلئے پاکستان اپنا بھر پور کردار ادا کرتا رہے گا۔

Facebook Twitter Google + Share on Whatsapp

خطے میں دیرپا امن و سلامتی کےلئے کوشاں ہیں،دہشتگردی کا جڑ سے خاتمہ کر کے دم لیں گے، افغان مفاہمتی عمل کیلئے ہر ممکن تعاون جاری رکھا جائیگا۔جنرل راحیل شریف

متعلقہ عنوان :

مزید اہم خبریں