سندھ اسمبلی میں توجہ دلاﺅ نوٹس پیش کرنے کی اجازت نہ دینے پرایم کیوایم کا احتجاج
میاں محمد ندیم پیر 21 مارچ 2016 15:42
کراچی (ا ردو پوائنٹ اخبارتازہ ترین-انٹرنیشنل پریس ایجنسی۔21مارچ۔2016ء) سندھ اسمبلی میں خواجہ اظہار کا توجہ دلاﺅ نوٹس ان کی عدم موجودگی میں پیش کرنے کی اجازت نہ دینے پر ایوان میں ایم کیو ایم کے ارکان کی ہنگامہ آرائی ، شور شرابہ سپیکر کے ڈائس کے باہر احتجاج کے بعد واک آﺅٹ ، رابطہ کمیٹی کے ڈپٹی کنوینر کی گرفتاری کے خلاف بھی ایم کیو ایم کے ارکان نے علامتی واک آﺅٹ بھی کیا ، اسمبلی نے سندھ فیکڑیز بل 2015ء اور سندھ میں ملازمت کی شرائط کے حوالے سے بل کی منظوری دے دی۔
سندھ اسمبلی کا اجلاس سپیکر آغا سراج درانی صدارت میں ایک گھنٹے تاخیر سے شروع ہوا۔ ایم کیو ایم کے ارکان اسمبلی نے رابطہ کمیٹی کے ڈپٹی کنوینر شاہد پاشا کی گرفتاری کے خلاف احتجاج کرتے ہوئے ایوان سے علامتی واک آﺅٹ کیا۔(جاری ہے)
ایم کیو ایم کے رکن خالد احمد نے کہا کہ شاہد پاشا کی گرفتاری کی مذمت کرتے ہیں۔ ڈپٹی سپیکر شہلا کی صدارت کے دوران ایجنڈے میں اپوزیشن لیڈر خواجہ اظہار الحسن کی عطائی ڈاکٹروں کے حوالے سے توجہ دلاﺅ نوٹس کی باری آگئی لیکن خواجہ اظہارموجود نہیں تھے۔
ایم کیو ایم کے ایک اور رکن نے توجہ دلاﺅ نوٹس پیش کرنا چاہا ڈپٹی سپیکر نے اس کی اجازت نہیں دی جس پر ایم کیو ایم کے ارکان نے شور شرابہ شروع کردیا اور اپنی نشستوں کے سامنے کھڑے ہوگئے۔ ڈپٹی سپیکر نے کہا کہ خواجہ اظہار ایوان میں نہیں ان کی جگہ کوئی اور توجہ دلاﺅ نوٹس پیش نہیں کرسکتا۔ ایم کیو ایم ارکان نے ایجنڈے کی کاپیاں پھاڑ دیں اور پہلے ایم کیو ایم کے ارکان ڈپٹی سپیکر کے ڈائس کے سامنے جمع ہوئے پھر ایوان سے واک آﺅٹ کرگئے۔ شور شرابے کے دوران پارلیمانی امور کے وزیر نثار کھوڑو نے کے ڈی کی بحالی کا بل متعارف کرا دیا۔ بعد میں سندھ فیکڑیز بل 2015 ایوان میں منظوری کے لئے پیش کیا جو ایم کیو ایم کے ارکان کی عدم موجودگی میں منظورکرلیا گیا۔ وزیر پارلیمانی امور نے سندھ میں ملازمت کی شرائط کے حوالے سے بل پیش کیا جس کی ایوان نے کثرت رائے سے منظوری دے دی۔ فنکشنل کے رکن اسمبلی نند کمار نے ہولی کے حوالے سے توجہ دلاﺅ نوٹس پر کہا کہ ہولی کے موقع پر اقلیتوں کو ایڈوانس تنخواہ دی جائے۔ ہولی 23 مارچ کو ہے چھٹی 24 کو دی گئی ہے۔ سپیکر آغا سراج درانی نندکمار سے کہا کہ ہولی کھیلنے کے لئے ہمیں بلائیں گے۔ آپ نے کبھی دعوت نہیں دی۔ ہولی پر کون سا رنگ استعمال کریں گے۔ سپرے چلتا ہے یا چونا استعمال ہوگا۔ سپیکر نے کہا کہ گیان چند ایسرانی کی ذمہ داری ہے کہ وہ بلائیں۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.