عدلیہ پرویز مشرف کو انٹرپول کے ذریعے واپس لانے کاحکم دیتی ہے تو حکومت تعمیل کریگی ‘ پرویز رشید
پیر 21 مارچ 2016 14:53
اسلام آباد (اُردو پوائنٹ اخبارتازہ ترین - این این آئی۔21 مارچ۔2016ء) وفاقی وزیر اطلاعات ونشریات سینیٹر پرویز رشید نے کہا ہے کہ عدلیہ پرویز مشرف کو انٹرپول کے ذریعے واپس لانے کاحکم دیتی ہے تو حکومت تعمیل کریگی ‘ خطے کے امن کیلئے ہمسائیوں سے اچھے تعلقات پر یقین رکھتے ہیں ‘ خواتین ہمارے معاشرے کا لازمی جزو ہیں ‘ قوم کی بیٹیوں نے بھارت کے خلاف میچ جیت کر بیٹوں کے ہار نے کا دکھ کم کر دیا ہے ‘ آئندہ دنوں میں بجلی کا بحران مزید کم ہوگا ۔
پیر کو نظریہ پاکستان کونسل کے زیر اہتمام تصویری نمائش کی افتتاحی تقریب کے بعد میڈیا سے گفتگو کرتے ہوئے وزیر اطلاعات پرویز رشید نے کہاکہ بین الاقوامی برادری میں پاکستان کی اہمیت کو تسلیم کیا جا تا ہے۔ دہشتگردی کے خلاف کیے گئے اقدامات کو دنیا بھر نے سراہا ہے۔(جاری ہے)
انہوں نے کہاکہ حکومت اورریاست پاکستانیوں میں تفریق کوتسلیم نہیں کرتی ہے ‘ خواتین ہمارے معاشرے کا لازمی جزو ہیں ‘قوم کی بیٹیوں نے بھارت کے خلاف میچ جیت کر بیٹوں کے ہارنے کا دکھ کم کر دیا وزیر اطلاعات نے توانائی بحران کم ہونے کی خوشخبری سناتے ہوئے کہا کہ آئندہ دنوں میں بحران مزید کم ہو گا۔
وزیراطلاعات پرویز رشید نے کہا کہ 23 مارچ یادگار دن ہے۔ اس دن پاکستان حاصل کرنے کی بنیاد رکھی گئی تھی ‘اور اس کے حصول کے بعد اب اس کے مقاصد کیلئے کوشاں ہیں۔ وزیر اطلاعات نے کہاکہ پاکستان کے ہرشہری کیلئے برابری اور انصاف قائداعظم کا ویژن تھا ‘اس لئے حکومت اور ریاست پاکستان کے شہریوں میں تفریق نہیں کرتی اور ملک کے رہنے والے ہر فرد کو برابر کے حقوق حاصل ہیں۔وزیر اطلاعات نے کہاکہ حکومت نے خواتین کے حقوق کے تحفظ اور تشدد روکنے کیلئے قانون سازی کی گئی ہے جس پر ماؤں بہنوں نے خوشی کا اظہار کیا ہے۔ انہوں نے کہاکہ ہمسایوں کے ساتھ اچھے تعلقات قائم کریں تاکہ خطے میں امن رہے جبکہ خطے میں غربت کے خاتمے کیلئے بھی ہمسایہ ممالک کے ساتھ اچھے تعلقات چاہتے ہیں۔سرکاری ریڈیو کے مطابق ایک انٹرویو میں وزیر اطلاعات و نشریات پرویز رشید نے کہا کہ اگر عدلیہ سابق صدر پرویز مشرف کو انٹرپول کے ذریعے واپس لانے کا حکم دیتی ہے تو حکومت اس کی تعمیل کرے گی۔انہوں نے کہا کہ اگر کوئی مجرم عدالت میں پیش نہیں ہوتا تو اس کے خلاف ملکی قوانین کے مطابق کارروائی کی جائے گی۔انہوں نے کہا کہ پرویز مشرف کو خصوصی عدالت نے 31 مارچ کو طلب کیا ہے اور اگر وہ عدالت میں پیش نہیں ہوئے تو ان کے خلاف قانون کے مطابق کارروائی ہوگی۔پرویز رشید نے کہا کہ 12 اکتوبر 1999 کو ایک منتخب وزیراعظم کو غیر قانونی طور پر گرفتار کیاگیا تھا اورملک کے عوام کو 40 روز تک اس بارے میں بے خبر رکھا گیا کہ ان کے منتخب وزیراعظم کہاں ہیں۔قومی مصالحتی آرڈی نینس کے حوالے سے عمران خان کے بیان کو مسترد کرتے ہوئے انہوں نے کہا کہ تحریک انصاف کو اس معاملے پر پارلیمنٹ میں بحث کرنی چاہیے۔متعلقہ عنوان :
مزید اہم خبریں
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
-
اسپیکر قومی سردار ایاز صادق سے قازقستان کے سفیر یرژان کستافین کی ملاقات
-
وفاقی وزیر داخلہ سید محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس
-
اسلام آباد ہائیکورٹ کی پرویزالہٰی کی صحت سے متعلق میڈیکل رپورٹ اورپمزہسپتال انتظامیہ کو بھی اڈیالہ جیل کا دورہ کرکے رپورٹ پیرکو پیش کرنے کی ہدایت
-
8 فروری کے فراڈ الیکشن کی بینی فشری پیپلزپارٹی، ن لیگ اور ایم کیوایم ہیں
-
سولر پینلز کی قیمتوں میں مزید کمی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.