نوازشریف پیکیج پٹواریوں کی نذر ہو گیا، شہبازشریف پیکیج سے بھی کسانوں کو کچھ نہیں ملے گا‘ چودھری پرویزالٰہی
حکمرانوں نے کسان برباد کر دئیے، ہماری دی گئی سہولتیں و مراعات بھی ختم کر دیں‘پارٹی میٹنگ سے خطاب اور میڈیا سے گفتگو
اتوار 20 مارچ 2016 16:20
لاہور( اُردو پوائنٹ اخبارتازہ ترین - این این آئی۔20 مارچ۔2016ء) پاکستان مسلم لیگ کے سینئرمرکزی رہنما و سابق نائب وزیراعظم چودھری پرویزالٰہی نے کہا ہے کہ کسانوں کیلئے نوازشریف پیکیج پٹواریوں کی نذر ہو گیا، اب پنجاب میں شہبازشریف پیکیج سے بھی کسانوں کو کچھ نہیں ملے گا، بڑے کے بعد چھوٹے بھائی کسانوں کے کھاتے میں 100ارب روپے ڈال رہے ہیں لیکن وہ پہلے 200ارب کا حساب تو دیں جو کسانوں تک پہنچے ہی نہیں، موجودہ حکمرانوں نے کسانوں کو برباد کر دیا ہے اور ہماری حکومت میں انہیں دی گئی سہولتیں اور مراعات بھی ختم کر دیں،پرویز مشرف کا طیارہ ہائی جیک کر کے ان کی زندگی کو خطرے میں ڈالا گیا لیکن انہوں نے پھر بھی شریف برادران کو معاف کر دیا ،ان کا ملک میں آنا جانا لگا رہے گا۔
ان خیالات کا اظہار انہوں نے پاکستان مسلم لیگ کے تنظیمی اجلاس کے بعد میڈیا سے گفتگو کرتے ہوئے کیا ۔(جاری ہے)
انہوں نے کہا کہ پاکستان مسلم لیگ کی آرگنائزنگ کمیٹیوں کو چاہئے وہ تنظیمی کام تیز کر دیں اور جلد مکمل کر لیں، جعلی ممبر شپ نہیں کی جائے گی۔ سابق صدر پرویزمشرف کے بیرون ملک جانے کے بارے میں سوال پر انہوں نے کہا کہ وہ آتے جاتے رہیں گے۔
چودھری پرویزالٰہی نے مزید کہا کہ کسان رو رہا ہے، پیداوار کی آمدن خرچہ سے بھی کم ہے، یہ حکمران صرف کسانوں کا نام لیتے ہیں عملی طور پر کچھ نہیں کیا، پنجاب میں ہمارے بنائے گئے 600کلومیٹر پکے کھالوں، یونین کونسل کی سطح پر دئیے گئے لیزر لیولرز اور لائیو سٹاک کیلئے مفت ادویات اور ویکسینیشن کی سہولتوں میں انہوں نے کوئی اضافہ نہیں کیا بلکہ ہماری حکومت کی جانب سے ساڑھے 12 ایکڑ تک کے مالکان کو دی گئی ٹیکس کی چھوٹ بھی واپس لے لی۔ اجلاس میں سینیٹر کامل علی آغا، چودھری ظہیرالدین، شبیر شاہ، عالمگیر ایڈووکیٹ، میاں عبدالستار، میاں منیر، شیخ عمر حیات، ذوالفقار پپن، تنویر اعظم چیمہ، بلال مصطفی شیرازی، انجینئر شہزاد الٰہی، آمنہ الفت، خدیجہ فاروقی، ماجدہ زیدی، کنول نسیم سمیت دیگر رہنما شریک تھے۔ چودھری پرویزالٰہی نے کہا کہ پارٹی کی تنظیم نو کے سلسلے میں پہلی تمام تنظیمیں ختم کی گئیں اور مختلف رہنما بطور آرگنائزر کام کر رہے ہیں۔ انہوں نے کہا کہ لاہور ڈویژن میں بھی تنظیم سازی کا باقاعدہ آغاز ہو چکا ہے جبکہ طارق بشیر چیمہ، احمد یار ہراج کی زیر قیادت ملتان، خانیوال، بہاولپور، ڈی جی خان، مظفر گڑھ اور بہاولنگر میں تنظیم سازی جاری ہے۔ چودھری ظہیرالدین اور محمد بشارت راجہ راولپنڈی، فیصل آباد، چکوال، اٹک، جہلم، باؤ رضوان، ڈاکٹر عظیم الدین لکھوی سیالکوٹ، قصور، نارووال، ننکانہ صاحب میں پارٹی کی ری آرگنائزیشن میں مصروف ہیں۔ انہوں نے کہا کہ تنظیم سازی کا عمل مکمل ہونے پر ڈویژن کی سطح پر پارٹی کنونشن منعقد ہوں گے۔ انہوں نے مزید کہا کہ تنظیم نو کے سلسلے میں وکلاء، لیبر، ڈاکٹر، یوتھ، اقلیتی، تاجر اور علماء ونگز کے علاوہ ایم ایس ایف کے آرگنائزر بھی مصروف کار ہیں۔متعلقہ عنوان :
مزید اہم خبریں
-
پاکستان سٹاک ایکسچینج میں نئے ریکارڈز، تاریخ میں انڈیکس پہلی بار 72 ہزار کی نفسیاتی حد عبور کر گیا
-
حکومت کا چینی کی ذخیرہ اندوزی اور سمگلنگ کیخلاف کریک ڈاؤن کا فیصلہ
-
پاکستان ایران نئے معاہدوں پر پیشرفت ہوئی تو پابندیاں لگ سکتی ہیں، امریکہ کی وارننگ
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.