چیف ٹریفک آفیسر راولپنڈی کی شہر میں ٹریفک روانی کو ہر صورت برقرار رکھنے کی ہدایت

جمعہ 18 مارچ 2016 22:32

راولپنڈی(اُردو پوائنٹ اخبارتازہ ترین - آئی این پی۔18 مارچ۔2016ء) چیف ٹریفک آفیسر راولپنڈی ایس ایس پی شعیب خرم جانباز نے ٹریفک پولیس راولپنڈی کو ہدایات جاری کی ہیں کہ شاہراؤں پر ٹریفک قوانین اورروڈ سیفٹی قوانین پرموثر انداز سے عمل درآمد کرواتے ہوئے شہر میں ٹریفک روانی کو ہر صورت برقرار رکھا جائے انسپکٹرز اپنے اپنے سیکٹر میں اپنی پوزیشن رش والے پوائنٹس پر رکھیں بیٹ انچارج موٹر سائیکل پر موونگ پوزیشن میں رہ کر غلط پارکنگ کے خلاف سخت ایکشن لیں ڈی ایس پیز اپنے اپنے سرکل کی سخت چیکنگ کریں تاکہ عوام کو ٹریفک سہولیات سے آراستہ کیا جا سکے فرائض کی ادائیگی میں غفلت اور لاپرواہی پر سخت محکمانہ ایکشن لیا جائے گا انہوں نے کہا کہ ٹریفک کی روانی میں رکاوٹ پید ا کرنے والے ڈرائیور حضرات، خطرناک اور تیز رفتار ڈرائیونگ، اوور سپیڈنگ ، کم عمر ڈرائیور،گاڑی کے شیشوں پر کالے پیپرز کا استعمال ، غلط پارکنگ، اپلائیڈ فار ، بغیر اور غیر نمونہ نمبرپلیٹ، روٹ پورا نہ کرنے اور مسافروں سے زائد کرایہ وصول کرنے والی پبلک سروس گاڑیوں کے خلاف سخت قانونی کاروائی عمل میں لائی جائے انہوں نے کہاکہ ٹریفک پولیس راولپنڈی کی خدمات شہریوں کی جان و مال کے تحفظ اور راولپنڈی شہر اور تحصیل ہائے میں ٹریفک انتظامات کو بہتر سے بہترین بنانے کے لیئے جاری ہیں اس لیئے شہریوں کا بھی فرض ہے کہ شہری ٹریفک قوانین کی پابندی کرتے ہوئے ٹریفک پولیس راولپنڈی کے ساتھ تعاون کریں تاکہ شہریوں کو معمولی غلطی سے پیش آنے والے کسی بڑے حادثہ سے بچاکر منظم انداز سے ٹریفک سہولیات سے آراستہ کیا جا سکے چیف ٹریفک آفیسر شعیب خرم جانباز نے کہا کہ شہریوں کو حادثات سے محفوظ رکھنے، ان کی جان و مال کے تحفظ، ٹریفک قوانین اور روڈ سیفٹی قوانین پر عمل درآمد کرانے کے لیئے ٹریفک پولیس راولپنڈی سخت سے سخت قانونی کاروائی عمل میں لائے تاکہ شہریوں کو ٹریفک قوانین کی پاسداری کروانے کے ساتھ سا تھ ان کے سفر کو محفوظ بناتے ہوئے ٹریفک کی بہتر سے بہترین سہو لیات فراہم کی جا سکیں۔