آپریشن راہ نجات کے متاثرین کی7سال بعد گھروں کو واپسی کے لیے رجسٹریشن
تازہ ترین : 1

آپریشن راہ نجات کے متاثرین کی7سال بعد گھروں کو واپسی کے لیے رجسٹریشن

جنوبی وزیرستان(اُردو پوائنٹ اخبارتازہ ترین۔18 مارچ۔2016ء )جنوبی وزیرستان کی پولیٹیکل انتطامیہ نے آپریشن راہ نجات کے متاثرین کی رجسٹریشن 24 مارچ جبکہ واپسی کا سلسلہ 10 اپریل سے شروع کرنے کا اعلان کیا ہے۔پولیٹیکل ایجنٹ ظفرالاسلام خٹک نے محسود اور برکی قبائل کے عمائدین کے جرگہ سے خطاب میں کہا کہ پاک فوج اور پولیٹیکل انتظامیہ کے تعاون سے رجسٹریشن پولیٹیکل کمپاؤنڈ میں 24 مارچ سے شروع ہوگی جو 10 دن تک جاری رہے گی۔ان کا کہناتھا کہ واپسی کا عمل 10 اپریل سے شروع ہوگا،جنوبی وزیرستان کے آپریشن راہ نجات کے متاثرین نے اکتوبر 2009 ء میں اس وقت نقل مکانی کی تھی جب پاک فوج نے دہشت گردوں کے خلاف آپریشن راہ نجات شروع کیا تھا۔

وقت اشاعت : 18/03/2016 - 19:50:20

اپنی رائے کا اظہار کریں