پاک بھارت جنگ میں شجاعت اور بہادری کی لاوازل تاریخ رقم کرنے والے ایم ایم عالم کو ..
تازہ ترین : 1

پاک بھارت جنگ میں شجاعت اور بہادری کی لاوازل تاریخ رقم کرنے والے ایم ایم عالم کو بچھڑے تین برس بیت گئے

کراچی (اُردو پوائنٹ اخبارتازہ ترین۔18 مارچ۔2016ء)پاکستان اور بھارت کے درمیان 1965 کی جنگ میں شجاعت اور بہادری کی لاوازل تاریخ رقم کرنے والے پاک فضائیہ کے پائلٹ ایم ایم عالم کو بچھڑے تین برس بیت گئے۔(آج)جمعہ کو 1965ء کی پاک بھارت جنگ کے ہیرو ایم ایم عالم کی تیسری برسی منائی گئی ۔ 1965 کی جنگ میں بحیثیت پاک فضائیہ کے پائلٹ کے ایم ایم عالم نے ایسی داستان رقم کی جو رہتی دنیا تک یاد رکھی جائے گی۔

اپنی ہوا بازی کے کارناموں سے اس وقت کے اسکواڈرن لیڈر ایم ایم عالم نے دشمنوں کو ناکوں چنے چبوا دیئے اور دشمن بھارت کے پانچ جنگی طیارے ایک منٹ میں زمین پر مار گرائے۔ ان کا یہ کارنامہ صرف پاک فضائیہ کی تارخ میں ایک سنہرا باب نہیں بلکہ جنگی ہوا بازی کی تاریخ کا ایک معجزہ تصور کیا جاتا ہے۔ایم ایم عالم 6 جولائی 1935 کو بھارت کے شہر کولکتہ میں پیدا ہوئے اور 1953 میں پاک فضائیہ میں شمولیت اختیار کی۔ انہیں جرات اور بہادری کے باعث ستارہ جرات سے بھی نوازا گیا۔ وہ 1982 میں ایئر کموڈور کے عہدے سے ریٹائرڈ ہوئے۔ قوم کا یہ ہیرو 18 مارچ 2013 کو طویل علالت کے 78 برس کی عمر میں اِس دارفانی سے کوچ کر گیا۔

مزید متعلقہ خبریں پڑھئیے‎ :

وقت اشاعت : 18/03/2016 - 12:14:38

متعلقہ عنوان :

اپنی رائے کا اظہار کریں