کراچی ایئر پورٹ پر نجی طیارے کی ہنگامی لینڈنگ، 3 افراد زخمی
تازہ ترین : 1

کراچی ایئر پورٹ پر نجی طیارے کی ہنگامی لینڈنگ، 3 افراد زخمی

کراچی (اُردو پوائنٹ اخبارتازہ ترین۔18 مارچ۔2016ء)کراچی ایئرپورٹ پر نجی کمپنی کے چارٹرڈ طیارے نے ہنگامی لینڈنگ کی ہے۔ طیارہ بلوچستان کے علاقے سوئی جارہا تھا۔ طیارے میں عملے سمیت 21 افراد سوار تھے۔تفصیلات کے مطابق کراچی سے سوئی جانے والے والے طیارے کا انجن ٹیک آف کرتے ہی بند ہو گیا۔ پائلٹ نے حاضر دماغی سے کام لیتے ہوئے کریش لینڈنگ کر کے طیارہ واپس رن وے پر اتار لیا۔ ہنگامی لینڈنگ سے خاتون پائلٹ سمیت تین افراد زخمی ہو گئے۔ذرائع کے مطابق پائلٹ نے فنی مہارت کا مظاہرہ کرتے ہوئے طیارے اور مسافروں کو نقصان سے بچا لیا تاہم سول ایوی ایشن حکام کی جانب سے واقعے کی تحقیقات کا حکم دیا گیا ہے۔ ذرائع کے مطابق رن وے کو عارضی طور پر بند کردیا گیا ہے۔

وقت اشاعت : 18/03/2016 - 12:08:16

متعلقہ عنوان :

اپنی رائے کا اظہار کریں