لاہور ‘ دیر ینہ دشمنی کے نتیجے میں مختلف واقعات میں خاتون اور 2 بھائیوں سمیت 4افراد قتل
اشتہاری ملزم نے مبینہ طور پر پولیس کی حراست میں خود کشی کر لی‘ جنوبی چھاؤنی کی حدود میں نامعلوم افراد نے فائرنگ کر کے 12سالہ لڑکے ناصر کو قتل کر دیا
بدھ 16 مارچ 2016 19:24
لاہور (اُردو پوائنٹ اخبارتازہ ترین - آئی این پی۔16 مارچ۔2016ء) صوبائی درالحکومت میں دیر ینہ دشمن کی نتیجے میں مختلف واقعات میں خاتون اور 2 بھائیوں سمیت 4افراد قتل‘اشتہاری ملزم نے مبینہ طور پر پولیس کی حراست میں خود کشی کر لی جبکہ تھانہ جنوبی چھاؤنی کی حدود میں نامعلوم افراد نے فائرنگ کر کے 12سالہ لڑکے ناصر کو قتل کر دیا ۔ تفصیلات کے مطابق بدھ کے روزلاہور کے علاقے شاہدرہ ٹاؤن میں پسند کی شادی کرنے والی 23سالہ نوجوان لڑکی مہوش کو اس کے والد نے گلہ دبا کرقتل کردیا۔
پولیس نے ملزم شیر علی کو گرفتار کرکے مقدمہ درج کرلیا ہے۔پولیس کے مطابق ملزم نے اعتراف جرم کرتے ہوئے بتایا کہ اس کی بیٹی نے اپنی مرضی سے طلعت نامی نوجوان سے شادی کرلی تھی۔ ملزم کے بیان کے اس نے بہانے سے اپنی بیٹی کو گھر بلایا اور صبح کے وقت سوتے ہوئے گلہ دبا کر اسے قتل کردیا۔(جاری ہے)
اطلاع ملنے پر پولیس کی نفری موقع پر پہنچی اور ملزم کو گرفتار کر لیا ۔
تھانہ شاہدرہ پولیس نے مقتولہ کے شوہر طلعت کی مدعیت میں مقدمہ درج کر لیاہے جبکہ لاش پوسٹ مارٹم کے لیے مردہ خانے منتقل کر دیا گیا۔ دوسری جانب تھانہ جنوبی چھاؤنی کی حدود میں فائرنگ سے 12سالہ لڑکاجاں بحق ہو گیا ۔ پولیس کے مطابق نشاط کالونی کا رہائشی 12سالہ ناصر اسپیئر پارٹس کی دکان پر کام کرتا تھا کہ قاضی چوک کے قریب نامعلوم افراد نے ناصر کے سر پر گولی مار دی جس کے باعث وہ شدید زخمی ہو گیا۔ اہل علاقہ نے 1122کی مدد سے ناصر کو سروسز ہسپتال منتقل کیا لیکن وہ زخموں کی تاب نہ لاتے ہوئے راستے میں ہی جاں بحق ہو گیا۔ پولیس نے لاش پوسٹ مارٹم کیلئے میو ہسپتال کے مردہ خانے منتقل کردی ہے۔ پولیس کا کہنا ہے کہ جائے حادثہ سے شواہد اکٹھے کر لئے گئے ہیں اور بازار میں دکانوں کے باہر لگے سی سی ٹی وی کیمروں کی مدد سے جلد ملزمان کو گرفتار کر لیا جائے گا ۔تھانہ نواں کوٹ میں اشتہاری ملزم نے مبینہ طور پر خود کشی کر لی ۔ پولیس کا کہنا ہے کہ اشتہاری ملزم 25سالہ علی حسن کو آپریشن ونگ نے گرفتار کیا تھا جسے ابھی حوالات میں بند نہیں کیا گیا اوربلکہ کمرے میں بٹھایا گیا تھا ۔ پولیس کا مزید کہنا ہے کہ ملزم نے اپنی ہی پستول سے خود کو گولی مار کر خود کشی کر لی ۔ تفتیشی ٹیم نے جائے وقوعہ سے شواہد اکٹھے کر کے لاش پوسٹمارٹم کے لئے مردہ خانے منتقل کر دی ہے جبکہ برکی ہڈیارہ کے علاقے میں سابق اے ایس آئی شہباز نے فائرنگ کر کے مخالف گروپ کے دو افراد کو موت کے گھاٹ اتار دیا اورخود موقع سے فرار ہو گیا ۔فائرنگ کے نتیجے میں نعمان اور اس کا بھائی صفدر موقع پر ہی جاں بحق ہو گئے ۔ اطلاع ملنے پر پولیس کی بھاری نفری موقع پر پہنچ گئی جس نے دونوں لاشوں کو پوسٹمارٹم کے لئے ہسپتال منتقل کر کے ملزم کی تلاش شروع کر دی ہے ۔فائرنگ کے واقعے کے بعد علاقے میں خوف و ہراس کی فضا پھیل گئی ۔متعلقہ عنوان :
مزید قومی خبریں
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
مہنگی مرغی، حکومت کا چوزے کی برآمد پرپابندی عائد کرنے کا فیصلہ
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
-
بختاوربھٹو بھی مریم نواز کی معترف
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
لاہور میں 50 مقامات پر مفت انٹرنیٹ سروس کا آغاز
-
ملک کو نوجوان نسل سے بڑی توقعات وابستہ ہیں،طالبات وخواتین مستقل مزاجی سے کام کریں گی تو قدم قدم پر کامیابی ان کا مقدر ہو گی،گورنر پنجاب
-
الیکشن کمیشن، ضمنی انتخاب میں قومی اسمبلی کے اراکین کی کامیابی کا نوٹیفکیشن جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.