شامی اپوزیشن کا ملک میں با اختیار عبوری حکومت کا مطالبہ
روسی فوج کی واپسی اسدی آمریت کے تابوت میں آخری کیل ثابت ہو گی،سربراہ شامی اپوزیشن کی گفتگو
بدھ 16 مارچ 2016 19:17
دمشق(اُردو پوائنٹ اخبارتازہ ترین - این این آئی۔16 مارچ۔2016ء) شام کی اپوزیشن کونسل نے کہا ہے کہ انہوں نے اقوام متحدہ کے امن ایلچی اسٹیفن دی میستورا کو ملک میں عبوری حکومت کے قیام کے لیے اپنا لائحہ عمل بتا دیا ہے۔ ہم ملک میں با اختیار عبوری حکومت کے قیام کا مطالبہ کرتے ہیں۔ بے دست وپا عبوری حکومت سے بحران حل نہیں ہو سکے گا۔عرب ٹی وی کے مطابق جنیوا میں ایک نیوز کانفرنس سے خطاب کرتے ہوئے شامی اپوزیشن کے سربراہ جارج صبرا نے کہا کہ اقوام متحدہ کے امن مندوب کو بتایا گیا ہے کہ ہم شام میں کس طرح کی عبوری حکومت چاہتے ہیں۔
انہوں نے کہا کہ جب تک شام میں با اختیار اور ہرقسم کے اندرونی اور بیرونی دباؤ سے آزاد عبوری حکومت قائم نہیں ہو گی ہمارے مطالبات پورے نہیں ہو سکتے۔(جاری ہے)
قبل ازیں روسی ذرائع ابلاغ نے شامی اپوزیشن کی سپریم کونسل کے ترجمان سالم المسلط کا ایک بیان نقل کیا تھا جس میں ان کا کہنا تھا کہ اپوزیشن حکومتی وفد کے ساتھ براہ راست مذاکرات میں حصہ لینے کی مخالف نہیں ہے۔
امریکی خبر رساں اداروں کے مطابق مسٹر مسلط کا کہنا تھا کہ ہم براہ راست مذاکرات کے مخالف ہرگز نہیں ہیں۔ انہوں نے کہا کہ شام سے روسی فوج کی واپسی نے بشارالاسد کی آمریت کے تابوت میں آخری کیل ٹھونک دی ہے۔شامی اپوزیشن کے ترجمان کا کہنا تھا کہ انہیں توقع ہے کہ دوست ممالک جنیوا مذاکرات کو کامیاب بنانے کے لیے ہرممکن کوشش کریں گے۔ انہوں نے کہا کہ ہم شامی قوم کے اجتماعی فیصلے کے ساتھ ہیں جس نے صدر بشارالاسد کو مسترد کر دیا ہے۔جنیوا میں صحافیوں سے بات چیت کرتے ہوئے سالم المسلط کا کہنا تھا کہ روسی فوج کی شام سے واپسی بشارالاسد کے جنگی جرائم کی روک تھام اور ان کی آمریت کے جلد خاتمے میں مدد گار ثابت ہو گی۔ ترجمان نے کہا کہ روس سے ہمارا مطالبہ یہ ہے کہ وہ اپنی تمام فوجیں شام سے نکالے۔ اس کے علاوہ شام میں لڑنے والے تمام غیرملکی جنگجوؤں کو بھی ملک سے بے دخل کیا جائے تاکہ جنگ سے تباہ حال عوام کو سکھ کا سانس لینے کاموقع مل سکے۔مزید بین الاقوامی خبریں
-
یہ کوئی عام الیکشن نہیں، جمہوریت اور دستور کو بچانا ہے، راہول گاندھی
-
مکیش امبانی نے برطانیہ کا مشہوراسٹوک پارک خرید لیا
-
ایمریٹس ایئرلائن کا دبئی سے فلائٹ آپریشن مکمل بحال
-
شکاگو،حاملہ لڑکی کو قتل کرنے والی خاتون کو 50 سال قید کی سزا
-
دبئی میں ہوٹلوں کے کرایوں میں ہوشربا اضافہ
-
ایمریٹس کی دبئی کی کنکٹنگ فلائٹس کا سفری طریقہ کار معطل
-
اسلام سے نفرت کرنے والا امریکی فوجی اسلام کی تبلیغ کرنے لگا
-
ایک ہفتے میں 55 لاکھ سے زائد زائرین کی مسجد نبویﷺ آمد
-
اسرائیلی حملے پرمزید فیصلہ کن اورمناسب جواب دیا جائے گا، ایران
-
فلسطینی صدر نے امریکی ویٹو کی مذمت کردی
-
فلسطین کی اقوام متحدہ کی رکنیت، امریکا نے درخواست ویٹو کردی
-
اسرائیلی وزیراعظم کے وارنٹ گرفتاری جاری ہونے کا امکان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.