لاہور ہائیکورٹ ‘ چیئرمین ایچ ای سی تقرری کیخلاف درخواست پر حکومت سے 15روز میں جواب ..
تازہ ترین : 1

لاہور ہائیکورٹ ‘ چیئرمین ایچ ای سی تقرری کیخلاف درخواست پر حکومت سے 15روز میں جواب طلب

لاہور(اُردو پوائنٹ اخبارتازہ ترین۔16 مارچ۔2016ء) لاہور ہائیکورٹ نے مختار احمد کی بطور چیئرمین ایچ ای سی تقرری کیخلاف دائردرخواست پر وفاقی حکومت اور اسٹیبلشمنٹ سیکرٹری سے 15روز میں جواب طلب کر لیا۔بدھ کے روز لاہور ہائیکورٹ کے جسٹس شاہد وحید نے کیس کی سماعت شروع کی تو عدالت کے رو برو درخواست گزار منیر احمد کے وکیل اظہر صدیق نے موقف اختیار کیا کہ وفاقی حکومت نے میرٹ سے ہٹ کر مختار احمد کی چیئرمین ایچ ای سی تعیناتی کی جبکہ اس عہدہ کے لیے نہ تو اخبار اشتہار جاری کیا گیا اور نہ ہی قواعد و ضوابط کے تقاضے پورے کیے گئے ۔

درخواست گزار کی جانب سے مزید موقف اختیار کیا گیا کہ مختار چیئرمین ایچ ای سی کے عہدے کے اہل بھی نہیں ہیں۔ لہٰذا معزز عدالت سے استدعا ہے کہ مختار احمد کی بطور چیئرمین ایچ ای سی تقرری کلعدم قرار دے۔ عدالت نے ابتدائی سماعت کے بعد وفاقی حکومت اور سیکرٹری اسٹیبلشمنٹ سے 15روز میں جواب طلب کر لیا۔

وقت اشاعت : 16/03/2016 - 16:18:56

متعلقہ عنوان :

اپنی رائے کا اظہار کریں