بے نظیر بھٹو انٹرنیشنل ایئر پورٹ ‘ رن وے آپریشنل وجوہات کی بناء پر پانچ گھنٹوں ..
تازہ ترین : 1

بے نظیر بھٹو انٹرنیشنل ایئر پورٹ ‘ رن وے آپریشنل وجوہات کی بناء پر پانچ گھنٹوں کیلئے قومی و بین الاقوامی پروازوں کیلئے بند رہا

23مارچ دوپہر ایک بجے کے بعد رن وے پر پروازوں کی آمدورفت معمول کے مطابق شروع ہوجائیگی ‘ ترجمان سول ایوی ایشن

راولپنڈی (اُردو پوائنٹ اخبارتازہ ترین۔16 مارچ۔2016ء)بے نظیر بھٹو انٹرنیشنل ایئر پورٹ کا رن وے آپریشنل وجوہات کی بناء پر بدھ کو دن کے اوقات میں پانچ گھنٹوں کیلئے قومی و بین الاقوامی پروازوں کیلئے بند رہا ‘23مارچ دوپہر ایک بجے کے بعد رن وے پر پروازوں کی آمدورفت معمول کے مطابق شروع ہوجائیگی ۔ ترجمان سول ایوی ایشن بے نظیر بھٹو انٹرنیشنل ایئر پورٹ کے مطابق اسلام آباد کے بے نظیر بھٹو انٹرنیشنل ایئر پورٹ پر آپریشنل وجوہات کی بناء پر رن وے 22مارچ تک صبح 8سے 11بجے تک اور دوپہر 1سے 3بجے تک بند رہے گا۔

23مارچ کو دوپہر1بجے کے بعد ایئر پورٹ کے رن وے پر معمول کی پروازوں کی آمدورفت شروع ہوجائے گا۔ ترجمان کے مطابق پاکستان سول ایوی ایشن اتھارٹی نے تمام ائرلائنز کو آگا ہ کر دیا گیا تھا تا کہ پروازوں کی آمدورفت کے اوقات میں تبدیلی ہوسکے۔ سول ایوی ایشن ترجمان نے مسافروں سے اپیل کی کہ وہ 23مارچ دوپہر ایک بجے تک ایئر پورٹ پر آنے سے پہلے ایئر لائنز سے اپنی فلائٹ کے اوقات کنفرم کر لیں تا کہ پروزاوں کی تاخیر سے متعلق بروقت آگاہی حاصل کی جاسکے ۔

مزید متعلقہ خبریں پڑھئیے‎ :

وقت اشاعت : 16/03/2016 - 15:26:05

متعلقہ عنوان :

اپنی رائے کا اظہار کریں