پشاور دھماکے میں بس ڈرائیور نے ہمت اور بہادری کی نئی مثال قائم کردی
تازہ ترین : 1
پشاور دھماکے میں بس ڈرائیور نے ہمت اور بہادری کی نئی مثال قائم کردی

پشاور دھماکے میں بس ڈرائیور نے ہمت اور بہادری کی نئی مثال قائم کردی

فرید گل نے اعصاب پر قابو پاتے اوراپنی تکلیف کو بھولتے ہوئے بس کو قریبی ہسپتال تک پہنچایا

پشاور(اُردو پوائنٹ اخبارتازہ ترین۔16 مارچ۔2016ء ) سنہری مسجد روڈ پر سرکاری ملازمین کی بس میں دیسی ساختہ بم دھماکے کے نتیجے میں جہاں 16 افراد جاں بحق ہوئے وہیں بس ڈرائیور کی ہمت اور بہادری نے مزید کئی قیمتی جانیں بچالیں۔ مردان کے علاقے درگئی سے 50 سے زائد افراد کو لے کر بس پشاور جارہی تھی کہ سنہری روڈ پر بس میں زوردار دھماکا ہوا جس میں بس ڈرائیور فرید گل بھی شدید زخمی ہوگیا۔

دھماکے کے بعد بس میں لاشیں اور خون بکھر گیا لیکن فرید گل نے اعصاب پر قابو پاتے اور اپنی تکلیف کو بھولتے ہوئے بس کو قریبی اسپتال تک پہنچایا جہاں فوری طور پر امدادی ٹیموں نے زخمیوں کو ایمرجنسی میں منتقل کیا۔ ہمت اور بہادری کی داستان رقم کرنے والے بس ڈرائیور فرید گل کو امدادی ٹیموں نے شدید زخمی حالت میں بس کا اگلا حصہ کاٹ کر نکالا اور اسپتال منتقل کیا جہاں ضروری علاج کے بعد اسے سی ایم ایچ اسپتال منتقل کردیا۔

وفاقی وزیراطلاعات پرویز رشید نے فرید گل کو قومی ہیرو قرار دیتے ہوئے کہا کہ فرید گل نے اپنی جان کی پروا کئے بغیر بس کو اسپتال تک پہنچا کر کئی قیمتیں جانیں بچائی ہیں جس پر سب کو فخر ہے۔ واضح رہے کہ پشاور کے علاقے سنہری مسجد روڈ پر سرکاری ملازمین کی بس میں دھماکے کے نتیجے میں 16 افراد جاں بحق اور 30 سے زائد زخمی ہوگئے۔

وقت اشاعت : 16/03/2016 - 14:28:36

متعلقہ عنوان :

قارئین کی رائے :

  • Toofan Says : 17/03/2016 - 03:01:12

    Dehshatgardon ne phir se hamare awaam ko apne shaitani chehra dekha kar yaheen baat saabit kee hain ke un ko na Pakistan ka parwa hai aur na Pakistanion ki. Un ko sirf ek hee baat ka parwa hai, awaam ki dar miyan khauf aur hiraas pehlana, aur begunaah logon ko jaan ba haq karna. Islam ke naam main aise karwaiyan kar ke yeh log Islam ko badnaam kar rahe hain aur aise hee harkaton ki wajah se Islam dunya main badnaam ho raha hai.

    Reply to this comment

اپنی رائے کا اظہار کریں