کوئی بھی قانون آئین اور قرآن وسنت کے منافی نہیں بنایا جائے گا، وفاقی وزیر مذہبی ..
تازہ ترین : 1

کوئی بھی قانون آئین اور قرآن وسنت کے منافی نہیں بنایا جائے گا، وفاقی وزیر مذہبی امور و بین المذاہب ہم آہنگی سردار محمد یوسف

اسلام آباد ۔ 16 مارچ (اُردو پوائنٹ اخبارتازہ ترین۔16 مارچ۔2016ء) وفاقی وزیر مذہبی امور و بین المذاہب ہم آہنگی سردار محمد یوسف نے کہا ہے کہ کوئی بھی قانون آئین اور قرآن وسنت کے منافی نہیں بنایا جائے گا، تحفظ خواتین بل پر مذہبی جماعتوں کی طر ف سے کئے گئے اعتراضات کے بعد وزیراعلیٰ پنجاب نے کمیٹی قائم کردی ہے۔ بدھ کو پارلیمنٹ ہاؤس کے باہرمیڈیا سے گفتگوکرتے ہوئے انہوں نے کہا کہ کوئی بھی قرآن وسنت کے خلاف قانون کو قبول نہیں کرسکتا۔

قومی اسمبلی میں تمام سیاسی جماعتوں کی نمائندگی موجود ہے جبکہ 1973ء کے آئین کے تحت سارا نظام چل رہا ہے اورحکومت آئین سے ہٹ کر کوئی کام نہیں کرے گی۔ وفاقی وزیر نے کہا کہ مذہبی جماعتیں مطمئن رہیں قرآن وسنت کے منافی کوئی قانون نہیں بنایا جائے گا، تحفظ خواتین بل پر مذہبی جماعتوں کی طرف سے کئے گئے اعتراضات پر وزیراعلیٰ پنجاب نے کمیٹی قائم کردی ہے۔ ایک سوال کے جواب میں انہوں نے پشاور میں ملازمین کی بس میں بم دھماکہ کی بھرپورمذمت کرتے ہوئے کہا کہ اللہ کرے کہ ملک سے دہشت گردوں کا جلد خاتمہ ہو اورملک امن کا گہوارہ بن جائے ۔

وقت اشاعت : 16/03/2016 - 14:26:11

اپنی رائے کا اظہار کریں