پاکستان نے بھارت کو بڑی دہشتگردی سے بچا لیا، نیشنل سیکیورٹی ایڈوائزر کی جانب سے دہشتگردوں کی اطلاع درست ثابت ہوئی
میاں محمد ندیم بدھ 16 مارچ 2016 12:14
نئی دہلی(ا ردو پوائنٹ اخبارتازہ ترین-انٹرنیشنل پریس ایجنسی۔16مارچ۔2016ء) پاکستان نے بھارت کو بڑی دہشتگردی سے بچا لیا، نیشنل سیکیورٹی ایڈوائزر کی جانب سے دہشتگردوں کی اطلاع درست ثابت ہوئی، بھارتی سیکیورٹی فورسز نے دس میں سے تین دہشتگردوں کو ہلاک کردیا، باقیوں کی بھی نشاندہی ہوگئی۔بھارتی حکومتی ذرائع کے مطابق بھارت میں داخل ہونے والے دس مبینہ دہشتگردوں میں سے تین کو ہلاک کردیا گیا ہے،پا کستان کے سیکیورٹی ایڈوائزر ناصر خان جنجوعہ نے کچھ روز قبل اپنے بھارتی ہم منصب اجیت دیول کو اطلاع دی تھی کے گجرات کے راستے دس کے قریب دہشتگرد بھارت میں داخل ہوئے ہیں۔
جسکے بعد بھارت نے دہلی سمیت سیکیورٹی ہائی الرٹ کردی گئی تھی۔بھارتی سیکیورٹی فورسز کے مطابق دہشتگردوں نے دہلی کا بھی سفر کیا، سیکیورٹی فوروز نے دعوٰی کیا کہ تین دہشتگردوں کو مار دیا گیا ہے جبکہ انہیں بقیہ ملزمان کی بھی معلومات ہیں۔(جاری ہے)
بھارتی جریدے ”دی ہندو“ نے وزارت داخلہ کے ایک اعلی افسر کے حوالے سے بتایا کہ دہشت گردوں کی مبینہ در اندازی سے متعلق پاکستان کے مشیر برائے قومی سلامتی نصیر خان جنجوعہ کی فراہم کردہ معلومات درست ثابت ہوئیں۔
انہوں نے تفصیلات میں جائے بغیر بتایا کہ دس میں سے تین دہشت گردوں سے نمٹا جا چکا ہے۔افسر کے مطابق، تصدیق کا عمل جاری ہونے کی وجہ سے حکام تینوں دہشت گردوں سے متعلق مزید معلومات شیئر کرنے سے قاصر ہیں۔انہوں نے بتایا کہ یہ دہشت گردپچھلے ہفتے مہا شیو راتری جشن سے قبل گجرات کے مشہور سومناتھ مندر پر حملے کا منصوبہ رکھتے تھے۔ہم نے مزید سات دہشت گردوں کا پتہ چلایا ہے اور ان کا کسی تیسرے ملک سے تعلق ہو سکتا ہے۔اخبار کے مطابق نصیر جنجوعہ نے اپنے ہندوستانی ہم منصب اجیت دیول سے معلومات کے تبادلے میں مبینہ طور پر بتایا تھا کہ پاکستان کے پاس لشکر طیبہ یا جیش محمد کے دس دہشت گردوں سے متعلق اطلاعات ہیں۔دوسری جانب عالمی نشریاتی اداروں نے کہا ہے کہ انڈین سیکیورٹی ایجنسیوں نے اس خفیہ اطلاع پر کام کرتے ہوئے پتہ چلایا کہ یہ دہشت گرد دہلی پہنچنے میں کامیاب ہو چکے ہیں۔دہلی پولیس ذرائع نے کہا تھا کہ انہیں پتہ چلا ہے کہ یہ دہشت گرد بازاروں اور شاپنگ مالز پر حملہ کر سکتے ہیں۔انڈیا گیٹ، راشراپتی بھون اور ریلوے اسٹیشنز سمیت دہلی کی تمام اہم تنصیبات پر ہائی الرٹ ہے۔مزید اہم خبریں
-
برطانیہ اور یورپی یونین کو ادویات کی شدید قلت کا سامنا، رپورٹ
-
پاکستان اور چین کے درمیان معاشی اور ثقافتی تعلقات تیزی سے فروغ پا رہے ہیں ،وزیرِ اعظم شہباز شریف کا چینی زبان کے عالمی دن پر پیغام
-
امریکہ نے پاکستان کے بیلسٹک میزائل پروگرام میں معاونت کے الزام میں چار بین الاقوامی کمپنیوں پر پابندیوں کا اعلان کردیا
-
آئی ایم ایف نے 6 سے 8 ارب ڈالر نئے بیل آؤٹ پیکج کی درخواست منظور کرلی
-
پاکستان نے آئی ایم ایف سے اگلے بیل آﺅٹ پیکج کیلئے باضابطہ درخواست کر دی
-
آئی ایم ایف بورڈ کا 29 اپریل تک کا شیڈول جاری، پاکستان ایجنڈے میں شامل نہیں
-
21 اپریل کو آنے والا رزلٹ عمران خان اور شاہ محمودقریشی کی رہائی کا آرڈر ہو گا،زین قریشی
-
فواد چوہدری کو مزید 4 مقدمات میں ریلیف مل گیا
-
ضمنی الیکشن کے دوران موبائل اور انٹرنیٹ سروس بند رہنے کا امکان
-
وزیرخزانہ کی ورلڈ بینک کے علاقائی نائب صدر برائے جنوبی ایشیا مسٹر مارٹن رائزر سے ملاقات
-
ضمنی الیکشن کے دوران دفعہ 144 کا نفاذ عدالت میں چیلنج
-
نارووال میں نوجوان کی ہلاکت پر پنجاب حکومت نے وضاحتی بیان جاری کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.