شہزادرائے یومِ پاکستان‘ پرنئے ملی نغمے کی میوزک ویڈیو ریلیزکریں گے
تازہ ترین : 1
شہزادرائے یومِ پاکستان‘ پرنئے ملی نغمے کی میوزک ویڈیو ریلیزکریں گے

شہزادرائے یومِ پاکستان‘ پرنئے ملی نغمے کی میوزک ویڈیو ریلیزکریں گے

اسلام آباد (اُردو پوائنٹ اخبارتازہ ترین۔16 مارچ۔2016ء)نامورگلوکارشہزاد رائے اس یومِ پاکستان پراپنا نیا میوزک ویڈیو ”پاکستان زندہ بعد“ لانچ کررہے ہیں۔” پاکستان زندہ باد“ نامی یہ ملی نغمہ پاکستان کے متنوع کلچر، عوام اورمعاشرے کی عکاسی کرے گا۔شہزاد رائے کی جانب سے جاری کردہ اعلامیے کے مطابق اس ملی نغمے کی شوٹ پاکستان کے بے شمار قدرتی حسین مناظرپر کی گئی ہے جس میں دیہات، پہاڑ، دریا اور صحرا شامل ہیں۔

ملی نغمے کا مقصد پاکستانی قوم کو ترقی کی راستے پرگامزن کرنے کے لئے ذہنی طورپرہم آہنگ کرنا ہے۔ملی نغمے میں دکھایا گیا ہے کہ کس طرح پاکستان کا ہر شہری انفرادی طورپرملک کی تعمیرو ترقی میں اپنا کردار ادا کرسکتا ہے۔پاکستان زندہ باد ریلیز کرنے کا مقصد شہزاد رائے کی پاکستان سے محبت، پاکستانی ہونے پرفخراورپاکستانیوں کو ایک قوم بنانے کی کاوش کا اظہارہے۔شہزاد رائے کا اس حوالے سے کہنا ہے کہ پاکستان ایک حیرت انگیز ملک ہے ، جس کے پاس انتہائی زرخیز ثقافتی ورثہ ہے، ان کا کہنا تھا کہ پاکستان قدرتی خوبصورتی اور ملی جذبے سے مالا مال ہے۔شہزاد رائے نے کہا کہ مجھے اپنے ملک پر، پاکستانی ہونے پرفخرہے اور”پاکستان زندہ باد“ اسی بارے میں ہے۔

مزید متعلقہ خبریں پڑھئیے‎ :

وقت اشاعت : 16/03/2016 - 12:04:00

متعلقہ عنوان :

اپنی رائے کا اظہار کریں