ایشیاء کپ میں ٹیم کی ناقص کاکردگی کی تحقیقات کیلئے بنائی گئی کمیٹی مذاق بن کر رہ ..
تازہ ترین : 1

ایشیاء کپ میں ٹیم کی ناقص کاکردگی کی تحقیقات کیلئے بنائی گئی کمیٹی مذاق بن کر رہ گئی

یونس خان کے بعد مصباح الحق نے بھی کمیٹی پر پروفیشنل ذمہ داریوں کو ترجیح دی اجلاس میں شریک نہیں ہوئے

لاہور (اُردو پوائنٹ اخبارتازہ ترین۔15 مارچ۔2016ء) ایشیاء کپ ٹی ٹونٹی میں قومی ٹیم کی ناقص کاکردگی کی وجوہات جاننے کے لیے بنائی گئی فیکٹ فائنڈنگ کمیٹی مذاق بن کر رہ گئی ، یونس خان کے بعد مصباح الحق نے بھی کمیٹی پر پروفیشنل ذمہ داریوں کو ترجیح دی ہے۔ تفصیلات کے مطابق ایشاء کپ میں قومی ٹیم کی شرمناک کاکردگی کی وجوہات جاننے کے لیے پی سی بی کی جانب سے بنائی گئی فیکٹ فائنڈنگ کمیٹی کا اجلاس پی سی بی ہیڈ کوارٹرز میں ہورہا ہے ۔

اجلاس کی صدارت پی سی بی عہدیدار شکیل شیخ کررہے ہیں جبکہ کمیٹی کے 5میں صرف 2رکن چیف آپریٹنگ آفیسر سبحان احمد اور سابق ٹیسٹ کرکٹر اقبال قاسم بھی اس اجلاس میں شریک ہیں۔ سابق کپتان یونس خان 4اپریل تک اجلاس میں شرکت سے معذرت کرچکے ہیں جبکہ ٹیسٹ کپتان مصباح الحق ورلڈ ٹی ٹونٹی میں کمنٹری میں مصروف ہونے کے باعث اجلاس میں شریک نہیں ہوئے ہیں جس کے بعد کمیٹی کا اجلاس مذاق بن کر رہ گیا ہے۔

وقت اشاعت : 15/03/2016 - 13:59:08

متعلقہ عنوان :

اپنی رائے کا اظہار کریں