وزارت منصوبہ بندی و ترقیات ڈویژن نے کابینہ ڈویژن کے ترقیاتی کاموں کے لئے 50 کروڑ ..
تازہ ترین : 1

وزارت منصوبہ بندی و ترقیات ڈویژن نے کابینہ ڈویژن کے ترقیاتی کاموں کے لئے 50 کروڑ روپے کے فنڈز جاری کر دیئے

اسلام آباد ۔ 15 مارچ (اُردو پوائنٹ اخبارتازہ ترین۔15 مارچ۔2016ء) وزارت منصوبہ بندی و ترقیات ڈویژن نے سرکاری شعبہ کے ترقیاتی کاموں میں کابینہ ڈویژن کے ترقیاتی کاموں کے لئے مجموعی طور پر 50 کروڑ روپے سے زائد کے فنڈز جاری کر دیئے ہیں۔ حکومت نے رواں مالی سال میں اس ڈویژن کے ترقیاتی کاموں کے لئے 65 کروڑ 41 لاکھ روپے کے فنڈز مختص کئے ہیں۔ پلاننگ کمیشن کے جاری کردہ اعداد و شمار کے مطابق حکومت نے اسلام آباد میں فیملی سوٹس کی تعمیر کے لئے 30 کروڑ، 6 ایوی ایشن سکوارڈن ریلیف کے لئے 11 کروڑ 69 لاکھ، نیشنل آرکائیوز پاکستان کے لئے 70 لاکھ روپے سمیت مختلف ترقیاتی منصوبوں کے لئے فنڈز جاری کر دیئے۔

وقت اشاعت : 15/03/2016 - 11:41:56

اپنی رائے کا اظہار کریں