کراچی پولیس کی مختلف کارروائیاں، دہشتگرد سمیت 29 افراد گرفتار
تازہ ترین : 1

کراچی پولیس کی مختلف کارروائیاں، دہشتگرد سمیت 29 افراد گرفتار

کراچی (اُردو پوائنٹ اخبارتازہ ترین۔15 مارچ۔2016ء )کراچی کے مختلف علاقوں سے پولیس نے شیشہ کیفے کے مالکان سمیت 29 افراد کو حراست میں لے لیا۔ قائد آباد سے سیکیورٹی اداروں نے دہشتگرد کو بھی گرفتار کر لیا۔ کلفٹن اور ڈیفنس میں پولیس نے شیشہ کیفیز پر چھاپے مار کر 2 افراد کو گرفتار کر لیا۔ ایس ایس پی ساوٴتھ ڈاکٹر فاروق احمد کے مطابق کارروائی کے دوران 3 شیشہ کیفے کا سامان بھی تحویل میں لے لیا گیا۔

دوسری جانب بلوچ کالونی کے مختلف علاقوں میں پولیس نے سرچ آپریشن کر کے 27 مشتبہ افراد کو حراست میں لے لیا۔ ایس ایس پی کا کہنا ہے حراست میں لیے گئے افراد سے تفتیش کی جا رہی ہے۔ قائدآباد میں حساس ادارے نے خفیہ اطلاع پر کارروائی کر کے ایک دہشتگرد کو گرفتار کر لیا۔ ذرائع کے مطابق گرفتار دہشگرد نجی کمپنی میں ملازم ہے اور تعلیم یافتہ ہے۔ گرفتار دہشتگرد اہم معلومات اپنے ساتھیوں کو فراہم کر رہا تھا۔ ملزم کو نامعلوم مقام پر منتقل کر کے تفتیش کی جارہی ہے۔

وقت اشاعت : 15/03/2016 - 11:35:33

متعلقہ عنوان :

اپنی رائے کا اظہار کریں