دہشت گردی کی ازسر نو تعریف کرنا ضروری ہے :ترک صدر
تازہ ترین : 1
دہشت گردی کی ازسر نو تعریف کرنا ضروری ہے :ترک صدر

دہشت گردی کی ازسر نو تعریف کرنا ضروری ہے :ترک صدر

انقرہ(ا ردو پوائنٹ اخبارتازہ ترین-انٹرنیشنل پریس ایجنسی۔15مارچ۔2016ء)ترکی کے صدر رجب طیب اردوغان نے کہا ہے کہ دہشت گردی کی ازسر نو تعریف کرنا ضروری ہے تاکہ اس میں ان کو بھی شامل کیا جاسکے جو ایسی کارروائیوں کی حمایت کرتے ہیں۔ان کا کہنا تھا کہ ایک بندوق بردار یا بم رکھنے والے دہشت گرد اور ان لوگوں میں کوئی فرق نہیں ہے جو اپنا عہدہ اور قلم دہشت گردوں کے مقاصد کے لیے استعمال کرتے ہیں۔

صدر اردوغان کا کہنا تھا کہ یہ صحافی، رکن پارلیمان یا کوئی سرگرم کارکن بھی ہوسکتے ہیں۔خیال رہے کہ ترکی کے دارالحکومت انقرہ میں اتوار کی شام ہونے والے دھماکے جس میں 37 افراد ہلاک ہوگئے تھے۔تاحال کسی گروپ نے اس کی ذمہ داری قبول نہیں کی ہے لیکن حکومتی ذرائع اس کارروائی کے لیے کردستان ورکرز پارٹی (پی کے کے) پر شبہ ظاہر کر رہے ہیں۔

وقت اشاعت : 15/03/2016 - 11:22:01

متعلقہ عنوان :

اپنی رائے کا اظہار کریں