امریکامیں حجاب اتروانے پر فیسٹیول منتظمین کی مسلمان خاتون سے معافی
فیسٹیول کی بقیہ مدت کیلئے حجاب اتروانے والے رضاکار کو برطرف کر دیا،منتظمین کابیان
پیر 14 مارچ 2016 20:26
ٹیکساس (اُردو پوائنٹ اخبارتازہ ترین - این این آئی۔14 مارچ۔2016ء) امریکی ریاست ٹیکساس کے شہر آسٹن میں ساؤتھ بائی ساؤتھ ویسٹ فیسٹیول کے منتظمین نے امریکی خاتون اولمپیئن ابتہاج محمد کے ساتھ پیش آنے والے واقعے پر معافی مانگ لی ۔میڈیارپورٹس کے مطابق شمشیر زنی کی مسلمان خاتون کھلاڑی ہفتے کے روز موسیقی اور فلم سے متعلق اس ایونٹ میں اپنا شناختی بیج حاصل کرنے کے لیے پہنچی تو وہاں ڈیوٹی پر موجود ایک رضاکار نے مطالبہ کیا کہ تعارفی بیج پر چسپاں کرنے کے لیے تصویر اتروانے سے پہلے خاتون کھلاڑی کو اپنے سر کا اسکارف اتارنا ہو گا۔
ابتہاج محمد نے اپنے ٹوئیٹ میں بتایا کہ میں اس (رضاکار) کو بتا چکی تھی کہ میں مذہبی وجہ کی بنا پر اسکارف پہنتی ہوں اس کے باوجود اس نے اس کے اتارنے پر اصرار کیا۔(جاری ہے)
فیسٹیول کے منتظمین نے برطانوی خبررساں ایجنسی کو بھیجی گئی ای میل میں بتایا ہے کہ انہوں نے فیسٹیول کی بقیہ مدت کے لیے مذکورہ حرکت کے مرتکب رضاکار کو برطرف کر دیا ہے۔منتظمین کے بیان میں کہا گیا ہے کہ ہم اس حوالے سے شرمندہ ہیں.. ہم نے ذاتی طور پر ابتہاج سے معافی مانگ لی ہے اور ہم اس واقعے پر صدق دل سے افسوس کا اظہار کرتے ہیں۔توقع ہے کہ ابتہاج (30 سالہ) برازیل کے شہر ریوڈی جنیرو میں آئندہ اولمپک کھیلوں میں ایک نئی تاریخ رقم کریں گی وہ اولمپک میں امریکا کی نمائندگی کرنے والی پہلی باحجاب خاتون کھلاڑی ہوں گی۔
متعلقہ عنوان :
مزید بین الاقوامی خبریں
-
اسرائیل کا شام پرراکٹ حملہ،معمولی نقصان کی اطلاع
-
ساحل پرگم ہوجانے والی ہیرے کی انگوٹھی معجزانہ طور پر مل گئی
-
بھیڑوں میں آپس کی لڑائی روکنے کیلئے انوکھا طریقہ متعارف
-
چینی سائنسدانوں نے پھول سے خوبصورت ہیرا بنا لیا
-
چین، 41 ویں وائی فانگ بین الاقوامی پتنگ میلے کا آغاز، آسمان رنگین پتنگوں سے بھر گیا
-
امریکہ میں فائرنگ، 5 طلبا زخمی، ملزم فرار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.