کور کمانڈر زکانفرنس،ملک کی اندرونی و بیرونی سیکیورٹی صورتحال، پیشہ وارانہ امور زیر غور لائے گئے
پاک فوج کے سربراہ کا شوال اور شمالی وزیرستان کے ملحقہ علاقوں میں آپریشن کی پیشرفت پر اطمینان کا اظہار عارضی طور پر بے گھر ہونیوالے افراد کی واپسی مقررہ مدت کے اندر یقینی بنائی جائے، ملک بھر میں انٹلیجنس کی بنیاد پر کئے جانیوالے آپریشنز کی رفتار بڑھانے کی بھی ہدایت
پیر 14 مارچ 2016 18:06
راولپنڈی (اُردو پوائنٹ اخبارتازہ ترین - این این آئی۔14 مارچ۔2016ء) چیف آف آرمی سٹاف جنرل راحیل شریف نے ملک بھر سے دہشت گردوں کے انفراسٹرکچر کے مکمل خاتمے کے عزم کا اعادہ کرتے ہوئے قبائلی علاقوں میں حکومتی رٹ برقرار رکھنے اور بارڈر مینجمنٹ مزید بہتر بنانے کی ضرورت پر زور دیا ہے۔آئی ایس پی آر کے مطابق کور کمانڈر کانفرنس پیر کو جنرل ہیڈ کوارٹرز (جی ایچ کیو) میں منعقد ہوئی ، چیف آف آرمی سٹاف جنرل راحیل شریف نے کانفرنس کی صدارت کی ۔
اجلاس کے دوران ملک کی اندرونی اور بیرونی سیکیورٹی صورتحال کا تفصیلی جائزہ لیا گیا اور دیگر پیشہ وارانہ امور زیر غور لائے گئے۔ کور کمانڈر نے ابھرتے ہوئے جیوسٹرٹیجک ماحول اور اس کے پاکستان کی سیکیورٹی سے تعلق کا بھی تفصیلی جائزہ لیا۔(جاری ہے)
کور کمانڈرز کانفرنس سے خطاب کرتے ہوئے آرمی چیف جنرل راحیل شریف نے شوال اور شمالی وزیرستان ایجنسی کے ملحقہ علاقوں میں جاری آپریشن پر اب تک ہونیوالی پیشرفت پر مکمل اطمینان کا اظہار کیا۔
آرمی چیف نے کہا کہ اب ہم فاٹا میں وسیع پیمانے پر جاری آپریشن کے اختتام کی جانب بڑھ رہے ہیں، اس موقع پر ہمیں آگے نظر رکھتے ہوئے اب تک حاصل کی جانیوالی کامیابیوں کو مستحکم رکھنا ہوگا، انہوں نے مزید موثر بارڈر مینجمنٹ کی ضرورت پر زور دیتے ہوئے دہشت گردوں سے کلیئر کرائے گئے فاٹا کے علاقوں میں حکومتی رٹ زیادہ فعال انداز میں برقرار رکھنے کی ہدایت کی ، جنرل راحیل شریف نے ہدایت کی کہ عارضی طور پر بے گھر ہونیوالے افراد کی واپسی مقررہ مدت کے اندر یقینی بنائی جائے۔ انہوں نے ملک بھر میں انٹلیجنس کی بنیاد پر کئے جانیوالے آپریشنز کی رفتار بڑھانے کی بھی ہدایت کی تاکہ پاکستان سے دہشت گردی کا مکمل انفراسٹرکچر ختم کیا جاسکے۔ پاک فوج کے سربراہ نے آپریشن ضرب عضب کے دوران جانیں قربان کرنیوالے فوجی افسروں ، جوانوں اور سیکیورٹی ایجنسیز کو بھرپور خراج عقیدت پیش کرتے ہوئے کہا کہ کسی بھی صورت میں ان کامیابیوں پر سمجھوتہ نہیں کیا جائیگا۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.