پاکستانی معیشت نے آئی ایم ایف پروگرام کے تحت اپنے اہداف حاصل کر لیے
معیشت کے منصوبہ سازوں کی پوری توجہ بقایا جات کی ادائیگیوں اور مالی خسارے پر ہے ۔ٹیکس وصولی بہتر، اخراجات کنٹرول ، مہنگائی کی شرح بھی کم رہی ۔ حکومت نے معیشت کے ارتقاء کیلئے اقتصادی راہداری منصوبے سے بہت زیادہ امیدیں وابستہ کر لیں ہیں، معیشت میں بنیادی اصلاحات نہ لائی گئیں تو اقتصادی راہداری منصوبہ بھی بہترین کارکردگی نہیں دکھا سکے گا،آئی پی آر رپورٹ
پیر 14 مارچ 2016 16:24
اسلام آباد(اُردو پوائنٹ اخبارتازہ ترین - آن لائن۔14 مارچ۔2016ء) تھنک ٹینک انسٹی ٹیوٹ فار پالیسی ریفارمز نے پاکستان کی معیشت کے بارے میں ششماہی رپورٹ برائے جولائی ۔دسمبر 2015-16 جاری کر دی ہے ۔جس کے مطابق پاکستانی معیشت نے آئی ایم ایف پروگرام کے تحت اپنے اہداف حاصل کر لیے ہیں تاہم یہ ابھی اپنے اصل ہدف سے کافی پیچھے ہے، رپورٹ کے مطابق پاکستان میں معیشت کے منصوبہ سازوں کی پوری توجہ بقایا جات کی ادائیگیوں اور مالی خسارے پر ہے ۔
صوبوں کے سرپلس ہونے کے باوجود جولائی ۔دسمبر2015-16میں تجارتی خسارہ 1.7فیصد تھا جو کہ سال کیلئے اپنے ہدف کے اند ر ہی رہا ۔ٹیکس وصولی بہتر رہی اور اخراجات بھی کنٹرول رہے نیز مہنگائی کی شرح بھی کم رہی ۔آئی پی آر رپورٹ کے مطابق سالانہ ہدف چھ فیصد کے مقابلے میں، گروتھ کی شرخ کم رہی ۔(جاری ہے)
بڑے پیمانے کی مینو فیکچرنگ3.9فیصد رہی۔ جہاں تک زراعت کا تعلق ہے کپاس اور چاول جیسی دو اہم فصلوں کی پیداوار میں کمی آئی ۔
اگرچہ گنے کی پیدوار پچھلے سال کی نسبت اچھی تھی لیکن اس نے بھی 68ملین ٹن سے اپنا ہدف مس کر دیا ۔ جہاں تک سرمایہ کاری کا تعلق ہے حکومت اس میں بھی اپنا دیا گیا ہدف پورا نہیں کر سکی ۔یہ کریڈٹ پرائیویٹ سیکٹر کو جاتا ہے جہاں پر مشینری کی برآمدات میں اضافہ ہوا ہے لیکن یہاں بھی یہ یقین سے نہیں کہا جاسکتا کہ یہ سرمایہ کاری کو دوام بخشنے کیلئے کافی ہے ۔بجلی کی پیداوار جس میں جولائی سے دسمبر تک درمیانہ درجے کا اضافہ ہو رہا تھا ملک کی معاشی سرگرمیوں پر اثر انداز ہو رہا ہے ۔آئی پی آر رپورٹ کے مطابق بقایاجات کی ادائیگیاں حکومت کیلئے اصل چیلنج ہیں برآمدات میں کمی اورکم ایف ڈی آئی کیوجہ سے حکومت کو بیرونی قرضوں پرجو کہ انتہائی مہنگے ریٹ پر لیے جا رہے ہیں انحصار کرنا پڑ تا ہے جس کا نتیجہ یہ نکل رہا ہے کہ ملک آہستہ آہستہ بیرونی قرضوں کے بوجھ تلے دبتا جا رہا ہے جس کے اثرات آنے والے برسوں میں ظاہر ہو نگے ۔جہاں تک برآمدات کا تعلق ہے پچھلے چھ ماہ میں برآمدات 15فیصد تک گر گئی ہیں۔ ٹیکسٹائل جو کہ ہماری اہم برآمد ہے پچھلے 6ماہ میں اس کی برآمد میں 9فیصد تک کمی ہوئی ہے ۔آئی پی آر کی رپورٹ میں کہا گیا ہے کہ حکومت نے معیشت کے ارتقاء کیلئے اقتصادی راہداری منصوبے سے بہت زیادہ امیدیں وابستہ کر لیں ہیں جبکہ حقیقت یہ ہے کہ جب تک معیشت میں بنیادی اصلاحات نہ لائی گئیں اس وقت تک اقتصادی راہداری منصوبہ بھی بہترین کارکردگی نہیں دکھا سکے گا نیز اقتصادی راہداری منصوبے کی وجہ سے بیرونی قرضوں میں اضافہ ہو گا لہذا حکومت کو چاہیے کہ اس منصوبے پر سنجیدگی سے عمل کرتے ہوئے اس کو موثر بنائے تاکہ اس سے ملکی معیشت کیلئے زیادہ سے زیادہ فائدہ اٹھایا جا سکے۔آئی پی آر کی رپورٹ کے مطابق بیرونی قرضہ پاکستان کے اندر اپنی جڑیں مضبوط کر رہا ہے جو کہ پاکستان کیلئے بہت بڑا مسئلہ بنتا جا رہا ہے ۔رپورٹ میں شفارش کی گئی ہے کہ حکومت کو چاہیے کہ معیشت کے بنیادی ڈھانچے میں تبدیلی کرے کیونکہ یہ ناگزیر ہو چکا ہے۔ رپورٹ میں مزید کہا گیا ہے کہ یہ مقام فکر ہے کہ ملک کی گروتھ ایک شکنجے میں پھنس چکی ہے لہذا ملک کو اس دلدل سے نکالنے کیلئے حکومت کو چاہیے کہ اپنی اقتصادی پالیسوں پر نظر ثانی کرے ۔متعلقہ عنوان :
مزید اہم خبریں
-
امریکی سفیرکی اڈیالہ جیل میں بانی پی ٹی آئی سے ملاقات پروضاحت
-
نامزد ملزم کو کیسے اپنے ہی کیس میں خود جج بننے کی اجازت دی جا سکتی؟
-
وزیراعظم شہبازشریف کی زیرصدارت انسداد سمگلنگ سے متعلق اہم اجلاس
-
نیلم جہلم پراجیکٹ نے پوری صلاحیت کے مطابق 969 میگاواٹ بجلی کی پیداوار دوبارہ شروع کردی
-
کیا ایک نام نہاد اور پلانٹڈ وزیراعظم خود یہ تعین کرےگا کہ وہ مجرم ہے یا نہیں؟
-
پی ٹی آئی کا چیف جسٹس قاضی فائز عیسٰی اور جسٹس عامر فاروق سے مستعفی ہونے کا مطالبہ
-
جرمنی میں الیکٹرک کارکی رجسٹریشن میں کمی
-
ہفتہ وار مہنگائی کی شرح میں مسلسل دوسرے ہفتے کمی
-
وفاقی وزارت خزانہ نے مارچ کی ماہانہ آؤٹ لک رپورٹ جاری کردی
-
خیبر پختونخوا کی چوبیس سرکاری یونیورسٹیاں وائس چانسلر سے محروم
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
گزشتہ تین روز میں سونے کی فی تولہ قیمت میں 5 ہزار 400 روپے بڑا اضافہ ہوگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.