اسلام آباد ہائی کورٹ نے سابق صدر پرویز مشرف کے ناقابل ضمانت وارنٹ
گرفتاری کے خلاف دائر درخواست کی سماعت تین دن کیلئے ملتوی کر دی
پیر 14 مارچ 2016 15:23
اسلام آباد ۔ 14 مارچ (اُردو پوائنٹ اخبارتازہ ترین - اے پی پی۔14 مارچ۔2016ء) اسلام آباد ہائی کورٹ نے سابق صدر پرویز مشرف کے غازی عبدالرشید قتل کیس میں ناقابل ضمانت وارنٹ گرفتاری جاری ہونے کے خلاف دائر درخواست کی سماعت تین دنوں کیلئے ملتوی کر دی۔ پیر کو عدالت عالیہ کے جسٹس عامر فاروق پر مشتمل سنگل بنچ نے سابق صدر پرویز مشرف کی جانب سے دائر درخواست کی سماعت کی تو درخواست گزار کی جانب سے ملک طاہر ایڈوکیٹ عدالت میں پیش ہوئے اور موٴقف اختیار کیا کہ غازی عبدالرشید قتل کیس میں ہم نے ماتحت عدالت میں سابق صدر کی طیبعت کے حوالے سے میڈیکل رپورٹ بھی جمع کرائی تھی تاہم ٹرائل کورٹ نے سابق صدر کے ناقابل ضمانت ورانٹ گرفتاری جاری کر دیئے۔
سماعت کے دوران فاضل جسٹس نے ریمارکس دیئے کہ ہم کیس واپس ٹرائل کورٹ بھیج دیتے ہیں اور وہ سابق صدر کی جانب سے دائر حاضری سے استثنٰی کی درخواست کے قابل سماعت ہونے پر فیصلہ وہی عدالت کرے گی۔(جاری ہے)
جسٹس عامر فاروق نے مزید ریمارکس دیئے کہ اسی طرح کا معاملہ ہم پہلے بھی ٹرائل کورٹ کو بھیج چکے ہیں عدالت عالیہ ماتحت عدالت کی کارروائی میں کس طرح مداخلت کر سکتی ہے۔
غازی عبدالرشید کے بیٹے کے وکیل طارق اسد ایڈوکیٹ نے سماعت کے دوران موٴقف اختیار کیا کہ سابق صدر نے سپریم کورٹ میں بھی اپنی میڈیکل رپورٹ جمع کرائی تھی اس فیصلہ کا بھی سب کو علم ہے ۔سماعت کے دوران سابق صدر پرویز مشرف کے وکیل نے استدعا کی کہ ہم ماتحت عدالت کا فیصلہ اور سابق صدر کی طبیعت کے حوالے سے تازہ میڈیکل رپورٹ جمع کرانا چاہتے ہیں جس پر عدالت نے استدعا منظور کرتے ہوئے سماعت تین دنوں کے لئے ملتوی کر دی۔متعلقہ عنوان :
مزید اہم خبریں
-
قومی معیشت کو نقصان پہنچانے والے عناصر کا احتساب ہو گا،ٹوبیکو، کھاد اور سیمنٹ فیکٹریوں میں ٹریک اینڈ ٹریس سسٹم کے معاہدےمیں فراڈ کی کی تحقیقات کے لیے کمیٹی قائم کرنے کا حکم دے دیا ہے ، وزیر اعظم ..
-
الیکشن کمیشن نے آزاد ارکان قومی اسمبلی کی سنی اتحاد کونسل میں شمولیت کو تسلیم کرلیا
-
اپنے بڑوں سے بات کریں ،اتنا ظلم نہ کریں ہم آپ کا حصہ نہیں بن سکتے،چیف جسٹس سندھ ہائیکورٹ
-
پاکستان کے ساتھ کوئی کشیدگی نہیں ہے، امریکہ
-
اجتماعی کاوشوں سے معاشی صورتحال بہترہورہی ہے،وزیراعظم شہباز شریف
-
سپریم کورٹ کو سب نے مذاق بنایا ہوا ہے،چیف جسٹس کے سماعت کے دوران ریمارکس
-
وزیر اعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہے‘ سعد رفیق
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ، امریکا میں پاکستان کے سفیر مسعود خان کا تقریب سے خطاب
-
لاہور ہائیکورٹ نے فواد چوہدری کو مزید7روز تک گرفتار کرنے سے روک دیا
-
شکار پور ، قبائلی تنازعے پر مسلح افراد کی فائرنگ سے 2خواتین سمیت3افراد جاں بحق
-
یہ تاثر غلط ہے کہ نواز شریف کا وزیراعظم بننے کا راستہ شہباز نے روکا ،سینیٹر عرفان صدیقی
-
پاکستان خطے میں ہمارااہم شراکت دار ہے ،تعاون مزید مضبوط کرینگے ،امریکہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.