شامی حکومت خون ریزی کے خاتمے کی کوشش کو روکنے سے باز رہے، امریکا اورفرانس کا انتباہ
تازہ ترین : 1

شامی حکومت خون ریزی کے خاتمے کی کوشش کو روکنے سے باز رہے، امریکا اورفرانس کا انتباہ

پیرس(اُردو پوائنٹ اخبارتازہ ترین۔14 مارچ۔2016ء )امریکا اور فرانس نے شامی حکومت کوخبردارکیا ہے کہ وہ جنیوا میں امن بات چیت کے ذریعے شامی خانہ جنگی کے خاتمے کی کوشش میں رکاوٹیں پیدا نہ کرے۔غیر ملکی میڈیا کے مطابق امریکی وزیرخارجہ جان کیری نے پیرس میں اتحادی ممالک کے وزرائے خارجہ سے ملاقاتوں کے بعد کہا کہ شامی حکومت واضح طور پر ان مذاکرات کو ناکام بنانے کی کوششوں میں ہے۔ کیری نے روس اور ایران پر بھی زور دیا کہ وہ شامی حکومت پر فائربندی کی مکمل پابندی یقینی بنانے کے لیے اپنا اثر و رسوخ استعمال کریں۔ شام کے لیے اقوام متحدہ کے خصوصی مندوب اسٹیفان ڈے مستورا نے شامی حکومت اور اپوزیشن کے نمائندوں سے علیحدہ علیحدہ ملاقاتیں کیں۔

وقت اشاعت : 14/03/2016 - 15:00:11

متعلقہ عنوان :

اپنی رائے کا اظہار کریں