جرمنی، صوبائی انتخابات میں دائیں بازو کی عوامیت پسند جماعت کی زبردست کامیابی
تازہ ترین : 1

جرمنی، صوبائی انتخابات میں دائیں بازو کی عوامیت پسند جماعت کی زبردست کامیابی

برلن(اُردو پوائنٹ اخبارتازہ ترین۔14 مارچ۔2016ء) جرمنی کے صوبائی انتخابات میں دائیں بازو کی عوامیت پسند جماعت نے زبردست کامیابی حاصل کرلی۔غیر ملکی میڈیا کے مطابقتین جرمن صوبوں میں گزشتہ روز منعقد ہونیوالے صوبائی پارلیمانی انتخابات کے نتائج کو چانسلر انجیلامیرکل کی مہاجرین دوست پالیسیوں کے لیے ایک بڑا دھچکا قرار دیا جا رہا ہے۔ ان انتخابات میں دائیں بازو کی عوامیت پسند جماعت اے ایف ڈی کو زبردست کامیابی حاصل ہوئی ہے۔

صوبے سیکسنی انہالٹ میں اس جماعت کو 24 فیصد ووٹ ملے ہیں اور یہ کرسچین ڈیموکریٹک یونین سی ڈی یو کے بعد دوسری مضبوط ترین سیاسی قوت کے طور پر سامنے آئی ہے۔ اس صوبے میں سی ڈی یو کو سابقہ انتخابات کے مقابلے میں تقریبا 30فیصد کم ووٹ ملے ہیں۔ صوبے باڈن ورٹمبرگ میں گرین پارٹی30 فیصد ووٹ حاصل کرتے ہوئے کامیاب ترین سیاسی قوت رہی۔ صوبے رائن لینڈ پلاٹی نیٹ میں 36فیصد ووٹوں کے ساتھ سوشل ڈیموکریٹک پارٹی ایس پی ڈی کو مضبوط ترین جماعت کی حیثیت حاصل ہوئی ہے۔

مزید متعلقہ خبریں پڑھئیے‎ :

وقت اشاعت : 14/03/2016 - 14:57:15

متعلقہ عنوان :

اپنی رائے کا اظہار کریں