سپریم کورٹ نے سابق چیئرمین نیب فصیح بخاری کی درخواست غیر موثر ہونے پر نمٹا دی
تازہ ترین : 1

سپریم کورٹ نے سابق چیئرمین نیب فصیح بخاری کی درخواست غیر موثر ہونے پر نمٹا دی

اسلام آباد(اُردو پوائنٹ اخبارتازہ ترین۔14 مارچ۔2016ء)سپریم کورٹ نے سابق چیئرمین نیب فصیح بخاری کی جانب سے سابق چیف جسٹس افتخار چوہدری کو بینچ سے الگ کرنے کی درخواست غیر موثر ہونے پر نمٹا دی ہے ۔ چیف جسٹس انور ظہیر جمالی کی سربراہی میں پانچ رکنی لارجر بینچ نے پیر کے روز جب فصیح بخاری کی اپیل کی سماعت شروع کی تو اس دوران ڈاکٹر بابر اعوان پیش ہوئے اور انہوں نے عدالت کو بتایا کہ فصیح بخاری کے مقدمے میں ہم نے ایک درخواست دائر کی تھی جس میں ہمارا مطمع نظر یہ تھا کہ افتخار چوہدری کو بینچ سے الگ کیا جائے اب چونکہ وہ ریٹائر ہوچکے تو ایسے میں اب اس درخواست کی سماعت کی ضرورت باقی نہیں رہتی اس لئے درخواست نمٹائی جائے اس پر عدالت نے درخواست غیر موثر ہونے پر نمٹا دی

مزید متعلقہ خبریں پڑھئیے‎ :

وقت اشاعت : 14/03/2016 - 14:30:26

متعلقہ عنوان :

اپنی رائے کا اظہار کریں