ورلڈ ٹی ٹوئنٹی سے پہلے کوئی نیا تنازع کھڑا نہیں کرنا چاہتا ،ساتھی کرکٹرز کے ساتھ ..
تازہ ترین : 1
ورلڈ ٹی ٹوئنٹی سے پہلے کوئی نیا تنازع کھڑا نہیں کرنا چاہتا ،ساتھی کرکٹرز ..

ورلڈ ٹی ٹوئنٹی سے پہلے کوئی نیا تنازع کھڑا نہیں کرنا چاہتا ،ساتھی کرکٹرز کے ساتھ سالہا سال ڈریسنگ روم شیئر کیا ہے اب ان کیخلاف کوئی ایسی بات نہیں کرنا چاہتا جس سے کوئی نیا تنازع کھڑا ہو،ٹیسٹ کر کٹر یونس خان

کراچی(اُردو پوائنٹ اخبارتازہ ترین۔14 مارچ۔2016ء)ایشیا کپ میں شکست کی وجوہات جاننے والی تحقیقاتی کمیٹی میں شامل یونس خان نے ورلڈ ٹی ٹوئنٹی سے پہلے کھلاڑیوں کے بارے میں رائے دینے سے گریز کرتے ہوئے کہا ہے کہ ساتھی کرکٹرز کیخلاف ایسی بات نہیں کرنا چاہتا جس سے بدمزگی ہو۔پی سی بی ذرائع کا کہنا ہے کہ یونس خان نے یہ کہہ کر کمیٹی اجلاس میں جانے سے معذرت کر لی کہ وہ آئی سی سی ورلڈ ٹی 20 سے قبل اپنے ساتھیوں کے بارے میں کچھ نہیں کہنا چاہتے۔

ان کا کہنا تھا کہ ساتھی کرکٹرز کے ساتھ سالہا سال ڈریسنگ روم شیئر کیا ہے اب ان کیخلاف کوئی ایسی بات نہیں کرنا چاہتا جس سے کوئی نیا تنازع کھڑا ہو۔ایشیا کپ میں پاکستانی کرکٹ ٹیم کی ناقص کارکردگی اور پاکستان کرکٹ بورڈ کی جانب سے اعلیٰ سطح کی تحقیقات کے اعلان پر سابق کپتان یونس خان نے تحفظات کا اظہار کرتے ہوئے لاہور میں ہونے والی پہلی میٹنگ میں شرکت نہیں کی ۔

یونس خان مصباح الحق اور سابق ٹیسٹ کرکٹر اقبال قاسم کے ساتھ کمیٹی میں شامل ہیں۔کمیٹی 30دن میں اپنی رپورٹ مرتب کے کے چیئر مین کو سفارشات دے گی۔ یونس خان کی کل منگل کو دوسرے اجلاس میں بھی شرکت کا امکان نہیں ہے۔ البتہ ممکنہ طور پر وہ 4اپریل کے بعد ہونے والی کسی میٹنگ میں شرکت کرسکتے ہیں۔واضح رہے کہ یونس خان کی قیادت میں پاکستانی کرکٹ ٹیم2009ء میں ورلڈ ٹی 20 جیت چکی ہے۔

وقت اشاعت : 14/03/2016 - 13:36:44

متعلقہ عنوان :

اپنی رائے کا اظہار کریں