انسداد دہشت گردی عدالت نے القاعدہ کے دہشتگرد کے خلاف پیش کیا گیا چالان منظور کرلیا
تازہ ترین : 1

انسداد دہشت گردی عدالت نے القاعدہ کے دہشتگرد کے خلاف پیش کیا گیا چالان منظور کرلیا

ملزم اپنے دیگر ساتھیوں کے ساتھ مل کر معصوم شہریوں کی ذہن سازی بھی کرتا تھا، چالان کا متن

کراچی(اُردو پوائنٹ اخبارتازہ ترین۔14 مارچ۔2016ء )انسداد دہشت گردی کی عدالت کے منتظم جج نے القاعدہ کے مبینہ دہشت گرد ڈاکٹر عثمان کے خلاف پیش کیا گیا چالان منظور کرلیا۔ کراچی میں انسداد دہشت گردی کی عدالت کے منتظم جج نے القاعدہ کے مبینہ دہشت گرد ڈاکٹر عثمان مقدمے کی سماعت کی۔سماعت کے دوران تفیشی افسر نے ملزم کے خلاف چالان پیش کیا۔چالان میں کہا گیا ہے کہ ملزم عثمان کو پریڈی تھانے کی حدود میں مقابلے کے بعد گرفتار کرکے اس کے قبضے سے اسلحہ، بھتے کی رقم اور دیگر غیر قانونی مواد برآمد کیا گیا۔

چالان میں کہا گیا ہے کہ ملزم عثمان کراچی میں شہریوں سے دہشت گرد تنظیموں کے نام پر بھتہ وصول کرتا تھا، ملزم شہریوں سے حاصل ہونے والی رقم بین الاقوامی دہشت گرد تنظیموں کو بھجوایا کرتا تھا، اس کے علاوہ ملزم اپنے دیگر ساتھیوں کے ساتھ مل کر معصوم شہریوں کی ذہن سازی بھی کرتا تھا۔ عدالت نے چالان منظور کرتے ہوئے سماعت اگلی تاریخ تک ملتوی کردی۔

مزید متعلقہ خبریں پڑھئیے‎ :

وقت اشاعت : 14/03/2016 - 13:18:53

متعلقہ عنوان :

اپنی رائے کا اظہار کریں