تحریک منہاج القرآن کوٹ عباس شہید کا اجلاس،یونین کونسل بنگل والہ کی تنظیم نو
تازہ ترین : 1

تحریک منہاج القرآن کوٹ عباس شہید کا اجلاس،یونین کونسل بنگل والہ کی تنظیم نو

راؤ محمد آصف رزاقی ناظم ،قاری راشد علی نائب ناظم مقرر،ضلعی اور تحصیلی قائدین کی شرکت مرکزی،صوبائی اور ضلعی قائدین کی مبارکباد

لاہور(اُردو پوائنٹ اخبارتازہ ترین۔13 مارچ۔2016ء)تحریک منہاج القرآن کوٹ عباس شہید کا اجلاس ضلعی نائب ناظم حاجی راؤ جمشید علی صدارت میں منعقد ہوا۔صدر شاہ رکن عالم ٹاؤن راؤ عظمت علی نے خصوصی شرکت کی۔اس موقع پرتحریک منہاج القرآن یونین کونسل بنگل والہ کی تنظیم نو کی گئی۔مشاورت کے بعد راؤ آصف رزاقی کو ناظم تحریک یونین کونسل بنگل والہ،قاری راشد علی نائب ناظم،محمد طاہر زمان ناظم نشرواشاعت،معظم علی گوہر ناظم مالیات،حافظ غلام محی الدین ناظم دعوت وتربیت،حاجی محمد ارشد عمران گجر ناظم ویلفیئر اور محمد رضوان یوسف کو ناظم ممبر شپ کی ذمہ داری سونپی گئی۔

اس موقع پر خطاب کرتے ہوئے ضلعی نائب ناظم تحریک منہاج القرآن ملتان حاجی جمشید علی نے کہا کہ ہمارا جینا مرنا مصطفوی انقلاب کیلئے ہے ،ہم مصطفوی مشن کا پیغام گھر گھر پہنچانے کیلئے اپنی تمام تر صلاحیتیں بروئے کار لائیں گے تاکہ اس ملک سے ظلم و ناانصافی کا خاتمہ ہو ۔اجلاس میں راؤ احمد علی،ارسلان واجد،کنور خالد خورشید،محمد عثمان رضا،فرحان فاروق اور دیگر نے شرکت کی۔مرکزی نائب ناظم اعلیٰ تنظیمات سردار شاکر مزاری،ضلعی امیر پروفیسر جاوید اختر ،ضلعی ناظم پروفیسر ممتا ز نون،میڈیا کوارڈینیٹر راؤ محمد عارف رضوی اور دیگر ضلعی وتحصیلی قائدین نے نو منتخب عہدیداران کو مبارکباد پیش کی ہے۔

مزید متعلقہ خبریں پڑھئیے‎ :

وقت اشاعت : 13/03/2016 - 17:39:54

متعلقہ عنوان :

اپنی رائے کا اظہار کریں