(ن) کے اراکین قو می و صوبائی اسمبلی کو اپنے انتخابی حلقوں میں زیادہ سے زیادہ وقت ..
تازہ ترین : 1
(ن) کے اراکین قو می و صوبائی اسمبلی کو اپنے انتخابی حلقوں میں زیادہ سے ..

(ن) کے اراکین قو می و صوبائی اسمبلی کو اپنے انتخابی حلقوں میں زیادہ سے زیادہ وقت گزارنے کے احکامات

کارکنوں اور عوام سے رابطے بڑھائیں،دیرینہ مسائل حل کرانے کیلئے ہر ممکن اقدامات اٹھائے جائیں ‘ذرائع

لاہور (اُردو پوائنٹ اخبارتازہ ترین۔13 مارچ۔2016ء )پاکستا ن مسلم لیگ (ن) کی قیادت نے اراکین قو می و صوبائی اسمبلی کو اپنے انتخابی حلقوں میں زیادہ سے زیادہ وقت گزارنے کے احکامات جاری کر دئیے ،کارکنوں اور عوام سے رابطے بڑھانے اور دیرینہ مسائل حل کرانے کیلئے بھی اقدامات کی ہدایات جاری کر دی گئیں۔ ذرائع کے مطابق مسلم لیگ (ن) کی قیادت نے عوام اور کارکنوں کی طرف سے منتخب اراکین اسمبلی کی طرف سے حلقہ انتخاب کادورے نہ کرنے کی شکایات کا ازالہ کرنے کے لئے ہدایات دی ہیں کہ تمام اراکین قومی وصوبائی اسمبلی اپنے حلقہ انتخاب پر بھرپور توجہ دیں اور اس کیلئے تواتر کے ساتھ دورے کئے جائیں۔

اراکین اسمبلی سے کہا گیا ہے کہ حلقے میں عوام خصوصاً کارکنوں سے نہ صرف رابطے رکھے جائیں بلکہ ان کے دیرینہ مسائل کو بھی حل کرانے کے لئے کوشش کی جائیں ۔ اراکین اسمبلی کو کہا گیا ہے کہ ان رابطوں کے دوران مسلم لیگ (ن) کی حکومت کی طرف سے عوام کی فلاح و بہبود کیلئے اٹھائے جانے والے اقدامات سے بھی آگاہ کریں ۔

مزید متعلقہ خبریں پڑھئیے‎ :

وقت اشاعت : 13/03/2016 - 16:05:37

متعلقہ عنوان :

اپنی رائے کا اظہار کریں