بیرون ملک سے کروڑوں روپے مالیت کے موبائل فون اسمگل کرنے کی کوشش ناکام

اتوار 13 مارچ 2016 15:16

راولپنڈی(اُردو پوائنٹ اخبارتازہ ترین - آئی این پی۔13 مارچ۔2016ء ) بے نظیر بھٹو انٹرنیشنل ایئرپورٹ پر بیرون ملک سے کروڑوں روپے مالیت کے سیکڑوں سمارٹ فونز اسمگل کرنے کی کوشش ناکام بنادی گئی۔ اسلام آباد کے بے نظیر انٹر نیشنل ائیرپورٹ پر دبئی سے آنے والے کروڑوں روپے مالیت کے 300 سمارٹ فونز اسمگل کرنے کی کوشش ناکام بنا دی گئی۔

(جاری ہے)

دبئی سے گزشتہ روز آنے والے مسافر سید علی شاہ گیلانی کا سامان ایئرپورٹ پر ہی رہ گیا تھا۔ اے ایس ایف حکام کا کہنا ہے کہ جب سامان اسلام آباد پہنچا تو اس کی تلاشی کے دوران 300 سمارٹ فونز برآمد ہوئے جن کی مالیت کروڑوں روپے بنتی ہے۔ ملزم سید علی شاہ گیلانی کے خلاف مقدمہ درج کر کے اس کی گرفتاری کیلئے ٹیمیں روانہ کر دی گئی ہیں۔

Facebook Twitter Google + Share on Whatsapp

بیرون ملک سے کروڑوں روپے مالیت کے موبائل فون اسمگل کرنے کی کوشش ناکام

متعلقہ عنوان :

مزید قومی خبریں