امریکہ اور جنوبی کوریا کی فوجی مشقیں شروع

اتوار 13 مارچ 2016 11:50

سیئول ۔ (اُردو پوائنٹ اخبارتازہ ترین - اے پی پی۔13 مارچ۔2016ء) امریکہ اور جنوبی کوریا کی سالانہ مسلح فوجی مشقیں شروع ہوگئی ہیں جنہیں دونوں ملکوں نے اپنی تاریخ کی سب سے بڑی مشترکہ مشق قرار دیا ہے۔فوجی مشقوں کا آغاز ہفتے کو جزیرہ نما کوریا میں ہوا۔ جنوبی کوریا کی وزارت دفاع کے مطابق مشقوں میں جنوب کے تین لاکھ جب کہ امریکہ کے 17 ہزار سے زائد فوجی اہلکار حصہ لے رہے ہیں۔

(جاری ہے)

مشقوں کے آغاز سے قبل امریکی محکمہ دفاع کی جانب سے جاری کیے جانے والے ایک بیان کے مطابق جنوبی کوریا کے شہر پوہانگ کے نزدیک ہونے والی ان مشقوں میں امریکی میرینز کے 55 ہوائی جہاز اور امریکہ اور جنوبی کوریا کے 30 بحری جنگی جہاز شریک ہیں۔مشترکہ مشقیں8 ہفتوں تک جاری رہیں گی جن میں شریک دونوں ملکوں کے فوجی دستے بری، بحری اور فضائی تینوں محاذوں پر دشمن کیمقابلے کی صلاحیتوں کا مظاہرہ کریں گے۔

Facebook Twitter Google + Share on Whatsapp

امریکہ اور جنوبی کوریا کی فوجی مشقیں شروع

متعلقہ عنوان :

مزید بین الاقوامی خبریں