متعلقہ محکمے ممکنہ شدید بارشوں کی سیلابی صورت حال سے نپٹنے کیلئے تمام تر تیاریاں مکمل رکھیں،اعجاز خالق رزاقی
پانی کے اخراج اور کسی بھی ہنگامی حالت میں امدادی کارروائیوں کیلئے متعلقہ سازو سامان اور مشینری کو فعال رکھا جائے،قائمقام ڈی سی او فیصل آباد
جمعہ 11 مارچ 2016 20:36
فیصل آباد (اُردو پوائنٹ اخبارتازہ ترین - آن لائن۔11 مارچ۔2016ء) ضلع میں متعلقہ محکمے ممکنہ شدید بارشوں کی سیلابی صورت حال سے نپٹنے کیلئے تمام تر تیاریوں کو مکمل رکھیں اس ضمن میں پانی کے اخراج اور کسی بھی ہنگامی حالت میں امدادی کارروائیوں کیلئے متعلقہ سازو سامان اور مشینری کو فعال رکھا جائے۔یہ ہدایت قائمقام ڈی سی او اعجازخالق رزاقی نے فلڈ کنٹرول پلان کے حوالے سے منعقدہ اجلاس کی صدارت کرتے ہوئے جاری کی جس میں اسسٹنٹ کمشنرز،ٹی ایم اوز،واسا،ویسٹ مینجمنٹ کمپنی،پی ایچ اے،ریسکیو1122،محکمہ زراعت،صحت،تعلیم،سول ڈیفنس، کمیونٹی ڈویلپمنٹ،فوڈ،الائیڈ وسول ہسپتال،فیسکو،سوئی گیس اور دیگر متعلقہ محکموں کے افسران نے شرکت کی۔
قائمقام ڈی سی او نے واسا افسران سے کہا کہ موجودہ اور آئندہ موسم میں ممکنہ شدید بارشوں میں نشیبی علاقوں سے بارشی پانی کے بلاتاخیر اخراج کیلئے ڈی واٹرنگ پمپس چلانے کی ضروری تیاریاں مکمل ہونی چاہیے اورلوڈ شیڈنگ کی صورت میں جنریٹرز کا بندوبست کیا جائے۔(جاری ہے)
انہوں نے برساتی نالوں کی صفائی اور سیوریج سسٹم/ڈسپوزل اسٹیشن کو فعال رکھنے کا بھی حکم دیا۔
انہوں نے کہا کہ بارشوں کے دوران متعلقہ محکموں کے افسران فیلڈ میں نظر آنے چاہیں اور شاہرات کی صفائی کے ساتھ ٹریفک کے بہاؤ میں رکاوٹ نہیں آنی چاہیے۔انہوں نے سرکاری ہسپتالوں کی انتظامیہ سے کہا کہ وہ بارشوں /سیلاب وغیرہ کے باعث کسی بھی ایمرجنسی کیلئے میڈیکل سروسز الرٹ اور ادویات سمیت تمام تر طبی ضرویات کا بندوبست رکھیں۔انہوں نے ضرورت پڑنے پر ریلیف کیمپس کے قیام کیلئے پلاننگ کرنے اور وبائی امراض کے بچاؤ کیلئے حفاظتی واحتیاطی اقدامات کرنے کی ضرورت پر زور دیا۔قائمقام ڈی سی او نے کہا کہ تمام محکمے قائمہ ہدایات کے مطابق اپنی ذمہ داریوں سے پوری طرح آگاہ رہیں لہذافلڈکنٹرول تیاریوں میں کوئی کمی یاکوتاہی نہیں ہونی چاہیے۔متعلقہ عنوان :
مزید اہم خبریں
-
یو این رکنیت کی ناکام فلسطینی کوشش پر جنرل اسمبلی میں بحث
-
عالمی مارکیٹ میں خام تیل کی قیمتیں کم ہو گئیں
-
حکومت کو سمجھائیں گے کہ نجکاری کی بجائے پبلک پرائیویٹ پارٹنرشپ کی طرف بڑھیں
-
خیبرپختونخواہ حکومت کا پنجاب کے کسانوں سے گندم خریدنے کا فیصلہ
-
ظلم کے خلاف اورعادلانہ نظام کے لیے جدوجہد جھاد ہے،سراج الحق
-
اسرائیل کو تسلیم کرنے والی پارلیمنٹ کی اینٹ سے اینٹ بجا دی جائے گی‘مولانا فضل الرحمن
-
ابوظہبی بین الاقوامی کتاب میلہ میں پاکستان کے ادبی شاہکار اور فنکار ادب وفن کے مداحوں کی توجہ کا محور
-
کلر کہار کے قریب خاتون کی موٹروے پولیس افسران سے بدتمیزی
-
سید یوسف رضا گیلانی نے سینئر افسر سید حسنین حیدر کو سیکرٹری سینیٹ مقرر کر دیا
-
پیپلز پارٹی نے ہمیشہ مزدوروں کے حقوق کی بات کی ہے ،بلاول بھٹو زرداری
-
گورنرسندھ کی کراچی یونین آف جرنلسٹس کے منتخب عہدیداروں کو مبارک باد
-
غزہ: جنگ بندی کے مذاکرات کے دوران اسرائیلی حملے جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.