وفاقی پولیس کی کاروائیاں مختلف جرائم میں ملوث6 ملزمان گرفتار،اسلحہ اور منشیات برآمد
جمعرات 10 مارچ 2016 21:26
اسلا م آباد(اُردو پوائنٹ اخبارتازہ ترین - آئی این پی۔10 مارچ۔2016ء) وفاقی پولیس نے سٹریٹ کرائم، ڈکیتی اور مختلف جرائم کی وارداتوں میں ملوث دو گروہوں کے6 ملزمان کو گرفتار کر کے ان کے قبضے سے اسلحہ و ایمونیشن بر آمد کر کے مقدمات درج کر لئے ہیں ،ابتدائی تفتیش کے دوران ملزمان نے گن پوائنٹ پر تھانہ مارگلہ کی اور تھانہ کورال کی حدود اور گرد و نواح میں شہریوں سے پرس ، نقدی اور موبائل فون چھیننے سمیت دیگر جرائم کی وارداتوں کا انکشاف کیا ہے، تفصیلات کے مطابق جمعرات کو ایس پی رورول سید مصطفی تنویر نے علاقے میں ڈکیتی کی وارداتوں کی روک تھام اور سٹریٹ کرائم کے خاتمے کے لئے ایس ایچ او کورال کو ٹاسک دیا جس پر عمل کرتے ہوئے تھانہ کورال کے سب انسپکٹر سلطان محمود نے اپنی ٹیم کے ہمراہ کارروائی کی اور ملزم ذیشان محمود، شیخ خرم شہزاد، آصف رشید کو گرفتار کر کے ان کے قبضے سے تین پستول اور ایمونیشن بر آمد کیا گیاہے، ملزمان کورال اور ائر پورٹ کے مختلف علاقوں میں مسلح ڈکیتی اور راہزنی کی وارداتوں میں ملوث ہیں،ملزمان کا عدالت سے جسمانی ریمانڈ لے کر مزید تفتیش کی جا رہی ہے ،دریں اثناء تھانہ مارگلہ پولیس کے اے ایس آئی ظفر اقبال نے اپنی ٹیم کے ساتھ مل کرکارروائی کرتے ہوئے ملزمان طیران شہزاد،ملک محمد وقاص اورکاشف جان کو گرفتار کیا ، ان کے قبضے سے دو تیس بور پستول اور رسیاں بر آمد ہوئی ہیں، ابتدائی تفتیش کے دوران ملزمان نے گن پوائنٹ پر تھانہ مارگلہ کی حدود اور گرد و نواح میں شہریوں سے پرس ، نقدی اور موبائل فون چھیننے سمیت دیگر جرائم کی وارداتوں کا انکشاف کیا ہے، ملزمان جسمانی ریمانڈ پر پولیس کی تحویل میں ہیں ،تھانہ رمنا پولیس نے دو ملزمان نثار احمد اور نجیب اﷲ کو گرفتار کر کے ان کے قبضے سے بغیر لائسنس دو پستول بر آمد کئے ہیں، ملزمان کے خلاف غیر قانونی اسلحہ رکھنے کے مقدمات درج کر لئے گئے ہیں
مزید اہم خبریں
-
وزیرخارجہ اسحاق ڈارنے دائرکردہ درخواست میں بائیومیٹرک تصدیق کرادی
-
جب گندم کی قلت ہوگی تو پھر روٹی 16 کی بجائے 30 روپے سے اوپر جائے گی
-
سپیکرایازصادق سے سعودی سفیر کی ملاقات ،تعلقات کو مزید وسعت دینے کا اعادہ
-
غزہ سے متعلق اصولی موقف پر پاکستان کو سراہتے ہیں، ایرانی صدرابراہیم رئیسی
-
آئی ٹی برآمدات میں 339 ملین ڈالر کا اضافہ ریکارڈ
-
ملک میں آئین قانون معطل ہو تو پھر ملک میں غیرملکی سرمایہ کاری کیسے آسکتی ہے؟
-
سکیورٹی،اندرونی اورعلاقائی مسائل چیلنجزہیں، یوسف رضا گیلانی
-
ایران کے ساتھ تعلقات امریکا کا نہیں ہمارا معاملہ ہے، ملیحہ لودھی
-
تحریک انصاف کا بشری بی بی کی بگڑتی صحت پر اظہار تشویش
-
بشری بی بی فٹ قرار، تازہ ترین رپورٹ اعلی حکام کو بھجوا دی گئی
-
ازبکستان، پاکستان اور سعودی عرب کے مابین شراکت داری کا اہم معاہدہ
-
غزہ کے ہسپتالوں میں ہلاکتیں، اقوام متحدہ کا تفتیش کا مطالبہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.