لاہور کی صارف عدالت نے پی آئی اے سے ایک کروڑ روپے ہرجانے کی وصولی کے لئے دائر درخواست پر ایم ڈی پی آئی اے کو دوبارہ نوٹس جاری کرتے ہوئے تفصیلی جواب طلب کرلیا۔

عمر جمشید بدھ 9 مارچ 2016 12:09

لاہور(اُردو پوائنٹ اخبارتازہ ترین۔09 مارچ۔2016ء) لاہور کی صارف عدالت کے جج طاہر نواز خان نے کیس کی سماعت کی۔مقامی شہری محمد ہشام کے وکیل غلام مرتضی چوہدری نے عدالت کو بتایا کہ ان کے موکل کے پاس پی آئی اے کی فلائٹ نمبر پی کے چھ سوستاون کی کنفرم ٹکٹ تھی۔ پی آئی اے سٹاف نے ان کے موکل کو اسلام آباد سے لاہور آنیوالی فلائٹ سےآف لوڈ کردیا۔ طیارے میں پی آئی اے کے افسر کو سوار کرادیا گیا۔

(جاری ہے)

پی آئی اے سٹاف نے ان کے موکل کو زدو کوب بھی کیا۔ ایسا کرنا ناصرف صارف ایکٹ بلکہ پی آئی اے کسٹمر سروس رولز کی بھی خلاف ورزی ہے۔ انہوں نے عدالت سے استدعا کی کہ خلاف قانون آف لوڈ کرنے پر پی آئی اے کو ایک کروڑ روپے ہرجانہ ادا کرنے کے احکامات صادر کئے جائیں۔پی آئی کی جانب سے جواب داخل نہ کرانے پر عدالت نے سخت اظہار برہمی کرتے ہوئے ایم ڈی پی آئی اے اور دیگر فریقین کو چھ اپریل کے لئے دوبارہ نوٹس جاری کرتے ہوئے جواب طلب کرلیا۔

Facebook Twitter Google + Share on Whatsapp

لاہور کی صارف عدالت نے پی آئی اے سے ایک کروڑ روپے ہرجانے کی وصولی کے لئے دائر درخواست پر ایم ڈی پی آئی اے کو دوبارہ نوٹس جاری کرتے ہوئے تفصیلی جواب طلب کرلیا۔

متعلقہ عنوان :

مزید اہم خبریں