امریکا کے صدارتی انتخابات کے لیے بڑی سیاسی جماعتوں میں نامزدگیاں حاصل کرنے کی مہم زروں پر‘ٹرمپ کی مقبولیت میں کمی
میاں محمد ندیم بدھ 9 مارچ 2016 08:19
واشنگٹن(ا ردو پوائنٹ اخبارتازہ ترین-انٹرنیشنل پریس ایجنسی۔09مارچ۔2016ء)امریکا کے صدارتی انتخابات کے لیے بڑی سیاسی جماعتوں میں نامزدگیاں حاصل کرنے کی مہم زروں پر ہے تاہم ریپبلیکن پارٹی کے سرکردہ صدارتی امیدوار، ڈونالڈ ٹرمپ کی مقبولیت میں فرق آ رہا ہے‘ایک سروے کے مطابق اب بھی 34 فی صد ریپبلیکن ٹرمپ کے حامی ہیں،ٹیکساس کے سینیٹر ٹیڈ کروز کو 25 فی صد، فلوریڈا کے سینیٹر مارکو روبیو اور اوہائیو کے گورنر جان کسیک کو 13 فی صد پسند کرتے ہیں۔
ٹرمپ کے حوالے سے یہ کم درجے کی سبقت ہے مگر تازہ اعدادوشمار بتاتے ہیں کہ ٹرمپ کی مقبولیت میں آنے والی کمی سے سینیٹر ٹیڈ کروز کوفائدہ پہنچ رہا ہے آنے والے دنوں میں کسی مرحلے پر ری پبلکن دیگر امیدوار سینیٹر ٹیڈ کروز کی حمایت میں دستبردار ہوسکتے ہیں جس سے سینیٹر ٹیڈ کروز کوٹرمپ پر برتری حاصل ہوجائے گی ۔(جاری ہے)
اِسی جائزہ رپورٹ میں بتایا گیا ہے کہ کروز اور روبیو دونوں کے مقابلے میں ٹرمپ کی مقبولیت میں فرق پڑ رہا ہے، جب کہ کچھ وقت قبل پارٹی کے امیدواروں کی تعداد 17 تھی جو گھٹ کر 4 رہ گئی ہے۔
پول سے معلوم ہوتا ہے کہ کروز، روبیو اور کسیک کے مقابلے میں ٹرمپ تقریباً ایک کے مقابلے میں دو (39 فی صد کے مقابلے میں 20 فی صد) سے نیچے آرہی ہے۔ تاہم، یہ فرق بڑھتا جا رہا ہے۔عوامی جائزے کی یہ نئی رپورٹ ایسے وقت سامنے آئی ہے جب اسٹیبلشمنٹ سے تعلق رکھنے والے ریبپلیکنز جن میں 2012میں پارٹی کے ناکام امیدوار، مِٹ رومنی بھی شامل ہیں، کوشش کررہے ہیں کہ صدارتی امیدوار کے طور پر ٹرمپ، جو کسی وقت ٹیلی ویژن کے ریلٹی شو کے میزبان تھے، نامزد نہ ہوں۔ ا نھیں اِس بات کا ڈر ہے کہ وہ ناقابل اعتبار ہیں اور سابق وزیر خارجہ اور ڈیموکریٹک پارٹی کی امیدوار کی حیثیت سے نومبر کے صدارتی انتخابات میں ہیلری کلنٹن کا مقابلہ نہیں کر پائیں گے، جب کہ جنوری 2017ءمیں صدر براک اوباما کی میعاد پوری ہونے والی ہے۔ آج چار ریاستوں مشی گن‘مسی سیپی ‘اڈاہو اور ہوائی میں ہونے والی رائے دہی میں ریپبلیکن پارٹی سے تعلق رکھنے والے امیدوار بھرپور شرکت کر رہے ہیں۔جائزوں سے معلوم ہوتا ہے کہ ٹرمپ مشی گن اور مسی سیپی میں آگے ہیں۔ تاہم، باقی دو ریاستوں میں سروے مکمل نہیں ہوپائے۔اس ووٹنگ کے دوران ڈیلیگیٹس کا چناو ہوگا، جو جولائی میں ہونے والے ریپبلیکن پارٹی کے قومی کنویشن میں فیصلہ کن کردار ادا کرتے ہوئے پارٹی کے امیدوار کی نامزدگی کریں گے۔ اب تک مقابلوں میں ٹرمپ کو سبقت حاصل ہے، لیکن مہینوں تک جاری رہنے والی اس مہم میں وہ ابھی اکثریت حاصل نہیں کرپائے۔ ووٹنگ میں مشی گن میں 59 ڈیلیگیٹس کا چناو ہوگا۔ امیدواروں کو پڑنے والے ووٹوں کی شرح کے اعتبار سے ڈیلیگیٹس کا حصہ ملے گا؛ جب کہ مسی سیپی، اڈاہو اور ہوائی میں دستیاب ڈیلیگیٹس کی تعداد 91 ہے۔ڈیموکریٹک دوڑ کے حوالے سے صرف مشی گن اور مسی سیپی میں پرائمریز ہو رہی ہیں۔ ورمونٹ سے تعلق رکھنے والے سینیٹر، برنی سینڈرز کے مقابلے میں، جو کہ چیلنج کرنے والے اکیلے ڈیموکریٹک سوشلسٹ ہیں، ہیلری کلنٹن کو اِن دونوں ریاستوں میں واضح برتری حاصل ہے۔مزید اہم خبریں
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
-
کراچی: سابق شوہر نے بیوی کوچھریوں کے وار کرکے قتل کردیا
-
آئین میں کہاں لکھا ہے کابینہ قانون سے بالاترہے۔ چیف جسٹس
-
ریاستہائے متحدہ امریکہ اورپاکستان کے درمیان ٹریڈ اینڈ انویسٹمنٹ فریم ورک ایگریمنٹ (ٹی آئی ایف ای) کا بین المذاکرہ اجلاس
-
مارگلہ کی خوبصورت پگڈنڈیوں کو محفوظ بنانے کے لیے مارگلہ ٹریل پٹرول کا آغاز کر رہے ہیں ، وفاقی وزیرداخلہ محسن نقوی کا ٹویٹ
-
وزیراعلی مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
ایف بی آرکا ٹریک اینڈ ٹریس سسٹم ناکام
-
خیبر پختونخواہ حکومت کا لاکھوں ٹن گندم کی خریداری کا فیصلہ
-
بھارتی شہری نے پاکستانی لڑکی کو دل کا عطیہ کرکے نئی زندگی دے دی
-
نجی شعبہ زراعت تبدیل کرنے میں موثر کردار ادا کرسکتا ہے، وزیرخزانہ
-
افغان شہریوں کو ڈھائی لاکھ روپے لیکر شناختی کارڈ جاری کرنیوالا نادرا کا افسر گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.