عراق، سیکورٹی چیک پوائنٹ پر خودکش بم دھماکہ 60 افراد ہلاک ، 70 زخمی، متعدد گاڑیاں تباہ،داعش نے ذمہ داری قبول کرلی،بغداد سے 95 کلومیٹر دور ہلہ شہر میں اسٹریٹجک ہائی وے پر سیکورٹی چیک پوائنٹ کے قریب خودکش حملہ آور نے بارود سے بھرے ٹرک کو اڑا لیا ، بیشتر زخمیوں کی حالت تشویشناک ،ہلاکتوں میں اضافے کا خدشہ ،حکام
اتوار 6 مارچ 2016 19:24
بغداد(اُردو پوائنٹ اخبارتازہ ترین - آئی این پی۔ 6مارچ۔2016ء) عراق کے شہر ہلہ میں سیکورٹی چیک پوائنٹ پر خودکش ٹرک بم دھماکے میں 60 افراد ہلاک ا ور 70 زخمی ہوگئے جبکہ متعدد گاڑیاں بھی تباہ ہوگئیں ،زخمیوں میں بیشتر کی حالت تشویشناک ہے جس سے ہلاکتوں میں اضافے کا خدشہ ظاہر کیا گیا ہے ،داعش نے حملے کی ذمہ داری قبول کرلی۔غیر ملکی میڈیاکے مطابق عراقی سیکورٹی حکام کا کہنا ہے کہ دارالحکومت بغداد سے 95 کلومیٹر جنوب کی جانب واقعہ ہلہ شہر میں ایک اسٹریٹجک ہائی وے پر واقعہ سیکورٹی چیک پوائنٹ کے قریب خودکش حملہ آور نے بارود سے بھرے ٹرک کو دھماکے سے اڑا لیا ۔
دھماکہ اتنا زور دار تھا کہ اس کی آواز دور دور تک سنی گئی ۔جس چوکی پرحملہ کیا گیا ہے وہاں عراقی فوجیوں اور وفاقی پولیس فورسز کو تعینات کیا گیا تھا اس جگہ گاڑیوں کی لمبی قطار بھی لگی تھی جو دھماکے کی زد میں آگئی اور متعدد گاڑیاں تباہ ہوگئیں جن میں سوار متعدد شہری اپنی جانوں سے ہاتھ دھو بیٹھے۔(جاری ہے)
ایک پولیس افسر نے بتایا کہ حملے کے وقت پوسٹ پر درجنوں گاڑیاں موجود تھیں20 گاڑیوں کو نقصان پہنچا۔
پولیس حکام نے تصدیق کی ہے کہ دھماکے میں 60 افرا دہلاک اور 70 زخمی ہوئے ہیں ۔ہلاک ہونے والوں میں 20کے قریب سیکورٹی اہلکار جبکہ دیگر شہری شامل ہیں ۔دھماکے کے بعد قانون نافذ کرنے والے ادارے اور ریسکیو اہلکار بھی جائے وقوعہ پر پہنچ گئے اورامدادی کاروائیاں شروع کردی گئیں ۔زخمیوں کو فوری طور پر قریبی ہسپتالوں میں منتقل کردیا گیا جہاں بیشتر کی حالت تشویشناک بتائی جاتی ہے جس سے ہلاکتوں میں مزید اضافے کا خدشہ ہے ۔ابتدائی تفتیش کے مطابق یہ کارروائی ایک خود کش بمبار نے کی اور ہلا کے مرکزی چیک پوائنٹ کو نشانہ بنایا گیا۔ ہلا شہر بغداد سے 90 سے 95 کلومیٹر جنوب میں واقع ہے۔شدت پسند تنظیم داعش نے حملے کی ذمہ داری قبول کرلی ہے ۔واضح رہے کہ گزشتہ ہفتے بغداد کی صدر سٹی مارکیٹ میں بم دھماکے میں 70 افراد ہلاک اور متعدد زخمی ہوگئے تھے جبکہ اگلے روز بغداد کے شمال میں ایک جنازے میں ہونے والے دھماکے میں 30 افراد مارے گئے تھے۔گزشتہ ایک مہینے کے دوران عراق میں پرتشدد کارروائیوں میں 100 سے زائدہلاکتیں ہو چکی ہیں۔ اقوام متحدہ کے مطابق فروری 2016میں عراق میں پرتشدد واقعات میں 670افراد ہلا ک اور 1290 زخمی ہوچکے ہیں ۔متعلقہ عنوان :
مزید بین الاقوامی خبریں
-
بھارت ، ڈاکٹر نے اپنی ماں، بیوی اور دوبچوں کو قتل کرکے خودکشی کرلی
-
امریکی صدرنے چین ، جاپان، روس اوربھارت کو زینو فوبیا کا شکار قرار دے دیا
-
امریکا میں فریج سے 4 نومولود بچوں کی لاشیں ملنے کا کیس معمہ بن گیا
-
قطرامریکی دبا ئوپرحماس قیادت کو ملک سے بے دخل کرنے پرتیار
-
اسرائیل اور حماس میں غزہ جنگ بندی پر معاہدہ ہونے کا امکان
-
جرمنی میں مسلمان طلبہ کے زیراثر بڑی تعداد میں عیسائی بچے اسلام قبول کرنے لگے
-
سعودی عرب میں پچھلے سال انٹرنیٹ کے استعمال کا تناسب 99 فی صد تک پہنچ گیا
-
کینیڈا نے ہردیپ سنگھ کے قتل کے الزام میں تین بھارتی شہری گرفتارکرلیے،فرد جرم عائد
-
شمالی غزہ مکمل قحط کا شکار ہو چکا ہے، اقوام متحدہ
-
نیویارک میں ہوٹلز کے کرایے آسمان سے باتیں کرنے لگے
-
اسرائیل نے رفح سے لوگوں کو نکالنے کا منصوبہ امریکہ اورامدادی تنظیموں کو بتا دیا
-
بھارت،ڈاکٹر نے اپنی ماں، بیوی اور دوبچوں کو قتل کرکے خودکشی کرلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.