کراچی، حج کوٹے کو 2005-06 کی حج پالیسی کی بنیاد پر مساوی طور پر تقسیم کیا جائے، الحاج سعید صابری
جمعرات 3 مارچ 2016 18:10
کراچی (اُردو پوائنٹ اخبارتازہ ترین - این این آئی۔03 مارچ۔2016ء) ہم وفاقی وزارت مذہبی امور حکومت پاکستان سے پُر زورمطالبہ کر تے ہیں کہ وہ حج آپریشن میں بہتری لانے اور حج پیکج کو سستا کرنے کیلئے سرکاری اسکیم کا حج کوٹہ کم کرے ۔ حکومت نئی اور پرانی کمپنیوں کا فرق ختم کرکے حج کوٹے کو سن 2005-2006 کی حج پالیسی کی بنیاد پر مساوی طور پر تقسیم کرے ۔ساتھ ہی ہم یہ بھی باور کرانا چاہتے ہیں کہ سابقہ کوٹہ زدہ حج کمپنیوں کا وزارت مذہبی امور حکومت پاکستان کی سرکاری ویب سائیٹ پر دیئے گئے 14 نکات کے نکتہ نمبر4 کے تحت حج کوٹہ سن2015 میں ختم ہو چکا ہے اور آج جبکہ سن 2016 کی حج پالیسی تشکیل کے آخری مراحل سے گزر رہی ہے ،نئی اور پرانی حج کمپنیاں ایک ہی مقام پرآ کھڑی ہیں ۔
میرے عزیز بھائیوں ! آپ اس بات سے بخوبی واقف ہیں کہ سعودی حکومت پوری دنیا میں حج آپریشن کو پرائیوٹائز کر رہی ہے۔(جاری ہے)
لہذا حکومتِ پاکستان کو چاہیے کہ حج 2016 سے بتدریج اس پر عمل شروع کردے تاکہ ایک اچھی مثال قائم ہو سکے ۔ وزارت مذہبی امور پرائیویٹ حج کو سستا اور معیاری کرنے کی بات تو کرتی ہے لیکن اپنے دیئے گئے "حج پیکج سروے فارم ـ"کے برخلاف اُن کمپنیوں کو حج کوٹہ الاٹ کرنے کی یقین دہانی کرانے کو تیار نہیں ، جن کمپنیوں نے وزارت کی خواہش پر لبیک کہتے ہوئے سستے اور معیاری حج پیکجز وزارت میں جمع کرائے ہیں۔
ہم یہاں موجود اپنے معزز بھائیوں کے ذریعے ! وزیراعظم اسلامی جمہوریہءِ پاکستان میاں محمد نواز شریف ،چیف جسٹس آف پاکستان ، وفاقی وزیر مذہبی امور سردار محمد یوسف، سینٹ وقومی اسمبلی کی قائمہ کمیٹیوں کے معزز ممبران کی توجہ موجودہ گھمبیراور تشویشناک صورتحال کی طرف مبذول کراتے ہوئے پرزور مطالبہ کرتے ہیں کہ 1 ۔وزارت کے حج پیکج سروے فارم کو ٹھکرانے والی2 ۔ وزارت کو اپنی انگلیوں پر نچانے کی کوشش کر نے والی 3 ۔وزارت کی رِٹ کو تسلیم نہ کرنے والی، 4 ۔سروس پروائیڈر ایگریمنٹ (S.P.A) کی دھجیاں اُڑانے والی،5 ۔حج فارم کی فروخت میں ملوث ہونے والی ،6 ۔مہنگے حج پیکجز کے ذریعے نام نہاد سہولیات کا جھانسہ دیکر بھاری رقم کے حصول کی خاطر لوٹ مار کرنے والی پرانی حج کمپنیوں کے خلاف سپریم کورٹ کے جج کی نگرانی میں ایک جوڈیشل کمیشن فوری تحقیقات کیلئے تشکیل دیا جائے ۔ہم انتہائی دکھ اور افسوس کے ساتھ یہ کہہ رہے ہیں کہ ہمیں گزشتہ12 سال سے آج تک دانستہ طور پر حج کوٹے سے محروم رکھا گیا ہے اور سادہ لوح عوام کو دونوں ہاتھو ں سے لوٹنے والی کمپنیوں کو حج کا کوٹہ دیا جاتا رہا ہے ۔ہم ارباب حل وعقدسے مطالبہ کرتے ہیں کہ سن 2016کی حج پالیسی کو تشکیل دیتے وقت ایکشن کمیٹی متاثرین حج کوٹہ ویلفئیرایسوسی ایشن پاکستان کے چاروں صوبوں کے نمائندگان کوبھی مشاورت میں شامل کیا جائے۔ ہم مزید مطالبہ کر تے ہیں کہ وزارت مذہبی امور نئی انرولڈکمپنیوں کو ایک ہفتے کے اندر اندر حج کوٹہ الاٹ کرنے کی یقین دہانی کرائے ورنہ بصورت دیگر ہم 2200 نئی انرولڈ کمپنیاں صوبائی اور وفاقی سطح پرپُر زور احتجاج کریں گے اورانصاف کے حصول کیلئے ہر دروازہ کھٹ کھٹائینگے اورساتھ ہی اپنے اہلِ خانہ کے ساتھ وفاقی وزارت مذہبی اموراسلام آباد کے دفتر کے سامنے دھرنا دیں گے۔ جاری کردہ میڈیا کوآرڈینٹر ایکشن کمیٹیمزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.