کراچی،جوڈیشل مجسٹریٹ ساؤتھ کی عدالت نے ماں کے قاتل کو عدالتی ریمانڈ پر جیل بھیج دیا

پیر 29 فروری 2016 19:23

کراچی(اُردو پوائنٹ اخبارتازہ ترین - آن لائن۔29 فروری۔2016ء) جوڈیشل مجسٹریٹ ساؤتھ کی عدالت نے ماں کے قاتل غلام ربانی کو عدالتی ریمانڈ پر جیل بھیج دیا ، ملزم کو 14 دن بعد عدالت میں پیش کیا جائے۔ بوٹ بیسن پولیس نے ریمانڈ ختم ہونے پر ملزم کو عدالت لائی۔ سماعت کے دوران تفتیشی افسر نے عدالت کو بتایا کہ ملزم کی بہن نے ہوش میں آنے بعد بتایا کہ قتل غلام ربانی نے کیا ہے۔

مقدمے میں ملزم کی بہن گواہ ہے۔

(جاری ہے)

ملزم کی بہن کی حالت بہتر ہونے پر اس کا بیان ریکارڈ کیا جائے گا۔ عدالت نے ملزم کو 14 دن کے عدالتی ریماں ڈ پر جیل بھیج دیا اور تفتیشی افسرکو ہدایت کی کہ آئندہ سماعت پر مقدمے کا چالان پیش کیا جائے۔ واضح رہے کہ ملزم غلام ربانی نے پولیس کو دئیے گئے ابتدائی بیان میں کہا تھا کہ ماں اور بہن کے جھگڑے کے دوران اس نے مشتعل ہو کر قتل کیا۔ ملزم گزشتہ سماعت میں عدالت میں اپنے اس بیان سے منحرف ہوگیا اور عدالت میں بیان دیا کہ والدہ کا قتل ہوا تو میں گھر میں نہیں تھا۔ مجھے پتہ چلا کہ ڈاکوؤں نے مزاحمت پر والدہ کو قتل کیا ہے۔