شرمین عبید چنائے کی ڈاکو مینٹری فلم اے گرل ان دا ریور کامرکزی کردار حافظ آبادکی رہائشی لڑکی کے گرد گھومتا ہے
چار اور پانچ جون 2014کی درمیانی شب18سالہ صبا مقصود کو پسند کی شادی کرنے پر اہلخانہ نے فائرنگ کرکے نہر میں پھینک دیا ، صبا معجزانہ طور پر زندہ بچ گئی
پیر 29 فروری 2016 18:29
حافظ آباد(اُردو پوائنٹ اخبارتازہ ترین - آئی این پی۔29 فروری۔2016ء ) آسکر ایوارڈ حاصل کرنے والی شرمین عبید چنائے کی ڈاکو مینٹری فلم اے گرل ان دا ریور میں جس لڑکی کو غیرت کے نام پر قتل کرنے کی کوشش کی گی صباء نامی اس لڑکی کو قتل کرنے کا واقعہ حافظ آباد میں پیش آیا ۔چار اور پانچ جون 2014کی درمیانی رات اٹھارہ سالہ صبا مقصود کو پسند کی شادی کرنے پر اسکے اہلخانہ نے حافظ آباد کے قریب فائرنگ کرکے زخمی کرنے کے بعد نہر میں پھینک دیا گیا لیکن صبا ء زخمی حالت میں نہر سے معجزانہ طور پر زندہ بچ نکلی جسے پولیس اور ریسکیو اہلکاروں نے ڈسٹرکٹ ہسپتال منتقل کر دیا ۔
زخمی صباء مقصود ایک ہفتہ تک ہسپتال میں زیر علاج رہی۔پولیس نے اس کی درخواست پر اسکے والد،چچا،بھائی کے خلاف مقدمہ درج کر کے انہیں گرفتار بھی کر لیا تھا ۔(جاری ہے)
صباء کے گھر والے اسکی شادی جہاں کرنا چاہتے تھے وہاں وہ خوش نہ تھی ،صبا ء قیصر نامی نوجوان سے پیار کرتی تھی اوراسی سے شادی بھی کرنا چاہتی تھی لیکن اسکے گھر والے پسند کی شادی پر خوش نہ تھے ۔
صباء اور قیصر نے پسند کی شادی کر لی۔ صباء کو اس کے گھر والوں نے فائرنگ کر کے زخمی کرنے کے بعد بوری میں بند کر کے جھنگ برانچ نہر میں پھینک دیا لیکن وہ نہر سے زندہ بچ نکلی۔ شہریوں نے خواتین کے حقوق کے لئے آواز بلند کرنے والی شرمین عبید چنائے کو’’ اے گرل ان دا ریور‘‘ میں آسکر ایوارڈ ملنے پر مبارکباد پیش کرتے ہوئے کہا کہ پوری قوم کو ان پر فخر ہے کہ وہ خواتین کو ان کے حقوق دلوانے اور ان کے مسائل حل کرنے کے لئے کوشش کر رہی ہے۔ دوسری جانب قانونی ماہرین کے مطابق حکومت کی جانب سے خواتین کے حقوق کے لئے کی جانے والی قانون سازی خوش آئند ہے اس سے خواتین آزادنہ طورپر کام کر سکیں گیں اور انہیں بھی مردوں کے برابر حقوق ملیں گے۔ شرمین عبید چنائے نے ناصرف دنیائے فلم کا سب سے بڑاآسکر ایوارڈ حاصل کیا بلکہ اس نے خواتین کے حقوق کے لئے کام کر کے پوری قوم کے دل بھی جیت لئے ہیں۔مزید قومی خبریں
-
چیئرمین سینیٹ نے ایوان بالا کے 337 ویں اجلاس کے لئے پینل آف پریذائیڈنگ آفیسرز کے ناموں کا اعلان کر دیا
-
چیف جسٹس کوکراچی کے لذیذ کھانوں اورکچوریوں کی یاد آ گئی
-
سپریم کورٹ کا نسلہ ٹاور کی زمین فروخت کرکے الاٹیز کو معاوضہ ادا کرنے کا حکم
-
قومی شاہراہ پر منی ٹرک اور مسافر وین میں تصادم ،دوخواتین سمیت چھ افراد زخمی
-
نئے تعینات ایم ایس حضرات کو ہسپتالوں میں پیشنٹ کیئر مینجمنٹ کو بہتر بنانے کا ٹاسک سونپ دیا گیا
-
فتنہ پارٹی حسب روایت بشریٰ بی بی کی صحت سے متعلق پروپیگنڈہ کر رہی ہے ‘ عظمیٰ بخاری
-
بزنس ایڈوائزری کمیٹی اہم فورم ہے سب کو ساتھ لے کر چلیں گے، چیئرمین سینیٹ
-
افغانستان سے پاکستان میں دراندازی کرنیوالے افغان دہشتگرد کے ہوشروبا انکشافات
-
موسم بہار کی شجر کاری مہم،سپیکر قومی اسمبلی نے پارلیمنٹ ہائوس کے سبزہ زار میں میگنولیا گرینڈی فلورا کا پودا لگایا
-
فتنہ پارٹی بشری بی بی کی صحت سے متعلق پراپیگنڈہ کر رہی ہے ، عظمی بخاری
-
سرگودھا کے قصبہ بھلوال شہر سے 25 سالہ دوشیزہ کو اغواء کر کے گلے میں دوپٹہ ڈال کر قتل کر دیا گیا
-
چیچہ وطنی کے علاقہ اقبالنگر میں خاوند نے غیرت کے نام پر اپنی بیوی کو قتل کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.